Sedimo sa makgonthe
Sefela sa Asafa.
1Modimodimo Morena o a bolela; o bitša lefase go tloga bohlabela go ya bodikela.
2O phadima a etšwa Tsione, felo ga letagotago.
3Modimo wa rena o a tla a sa homole; mollo o fišago o mo eta pele; o dikologwa ke ledimo le legolo.
4A le godimong o bitša magodimo le lefase, gore a ahlolele setšhaba sa gagwe.
5Nkgobeleng bagaugelwa ba ka ba go gwerana le nna ka sehlabelo.
6Gomme magodimo a dumela go loka ga gagwe, gobane Modimo ke yena, ke yena Moahlodi.
7Wena setšhaba sa ka, kwaa nna! Wena Isiraele, ke a bolela, ke bea bohlatse pele ga gago, ke re: Modimo ke nna Modimo wa gago!
8Ga ke go bele molato wa dihlabelo; didimo tša gago ke dula ke lebane natšo.
9Ga ke tšee powana lešakeng la gago, le ge e le phokwana mehlapeng ya gago.
10Gobane phoofolo tšohle tša naga ke tša ka, le diruiwa tše di fulago dithabeng ka dikete.
11Dinonyana tšohle dithabeng ke a di tseba, le diphedi tšohle tša lešoka ke tša ka.
12Ge nkabe ke ekwa tlala, nkabe ke sa botše wena, gobane legohle ke la ka le tše di tletšego go lona.
13A o re ke ja nama ya dipoo, ke nwa madi a diphoko?
14Ntšhetša Morena dibego tša tebogo, o phethe tše o di enetšego Yogodimodimo.
15O mpitše mohla wa tlalelo; ke tlo go namola; mme wena o nkgodiše.
16Ge e le yo mobe, Modimo o mo rera o re: Melao ya ka o e balelang? Kgwerano ya ka o reng o e bolela ka molomo?
17Mola o gana go solwa, o fularela se ke se bolelago?
18Ge o bona lehodu, o kopana nalo; mme o ikopanya le diotswa.
19Molomo wa gago o o gafetše bobe; leleme la gago le bata maaka.
20O dula fase wa eka ngwaneno; wa nyefola ngwana wa mmago.
21Ke tšona tše o di dirago; wa bona ke homola, wa re ke swana le wena. Bjale ke tla go sola, gore o bone se e lego taba.
22Lena bagakwa-Modimo, elelwang se le se dirago, gore ke se tlo le gagokanya, gwa hlokwa monamodi.
23Nna ke godišwa ke yo a tlišago tebogo ya ba sedimo sa gagwe. Molokakatsela ke tlo mo thabiša ka phološo ya Modimo.
