PSALME ya 74

₁Modimo, o reng o lahla ya ba moka? Dinku tša madišo ago o reng o di galefela?

₂Gopola mohlape wa gago. O o ruile go tloga kgaleng; moloko wo o o phološitše ya ba setšhaba sa gago; le thaba ye ya Tsione o agile mo go yona.

₃Akga dinao, o tle maropeng a kgale; lenaba le sentše tšohle sekgethweng.

₄Felo ga phuthego yago go kwala legowa la ba lwago nago; ba tsema difoka, dika tša bona.

₅Motho a ka re, ba tsenya sethokgwa selepe.

₆Bjale ba kgola mamati ka moka; ba a remakanya ka dilepe le ka dinoto.

₇Ntlo e kgethwa ya gago ba e tšhumile; ba o phušoletše fase moago wa leina la gago.

₈Dipelong tša bona ba re: A re ba fediše e be moka! Maphuthego ohle a Modimo mo nageng ba a tšhumile.

₉Difoka tša rena ga re sa di bona; ga go sa ne moporofeta; ga re sa na e a tsebago mo di tlogo go feletša gona.

₁₀Modimo! Di tlo fela neng? Maroga a manaba, le go gobošwa ga leina la gago, a ke tšona tše e tlogo ba temalo?

₁₁O reng o hunyeletša seatla sa gago, letsogo le letona la gago? Le utolle o fediše dilo tše.

₁₂Modimo, kgoši ya ka ya mehleng ke yena Modiraphološofaseng.

₁₃Wena o kilego wa fatola lewatle ka maatla a gago, wa pšhatla dihlogo tša dibata tša madiba.

₁₄Wa kgwanya dihlogo tša kwena, tša lewa ke mohuta wa go dula maganata.

₁₅Motšwetšamethopo, Moetšadinoka, wa buša wa gopiša meela ya mehleng.

₁₆Mosegare le bošego o mong wa tšona; mmei wa dietša le letšatši ke wena.

₁₇Ke wena o beetšego lefase mellwane ka moka; o theile lehlabula le marega.

₁₈Gopola tšona tšeo, ge lenaba le goboša, Morena, ge batho ba mašilo ba nyatša leina la gago.

₁₉Mme moya wa nna mokurwanyana wago o se o gafele sebata; le bophelo bja bahlaki ba gago o se bo lebale ya ba moka.

₂₀O ke o bone kgwerano, ge naga e tletše maswiswi, e le madulo a dihlola.

₂₁Mohlaki o se mo gomiše a lewa ke dihlong; mmotlana le mohumanegi a ba tumiše leina lago.

₂₂Morena, nanoga o lwe ntwa ya gago; šetša ge ba mašilo ba goboša wena ka mehla.

₂₃O se lebale mekgoši ya manaba a a gago, le mašata a ba tsogelago wena ge a fela a hlatloga.