PSALME ya 83

₁Modimo, se homole, o se hlwe o ile “tuu”; Modimo, o se ke wa dula o ikhomoletše.

₂Gobane manaba a gago šeao, a tlatša mašata; banyatši ba gago ba tsoša dihlogo.

₃Ba loga maanomabe; ba lakane go lwa le setšhaba sago sekhutakawena.

₄Ba re: A re yeng re ba fetšeng, ba se ke ba hlwa ba eba setšhaba; leina la Isiraele le nape le lebalwe!

₅Ka kgonthe ba lakane, mme ba kwane, ba itlema ba re ba lwa nago!

₆Ke ba metse ya Edomo, le ba Isimaele, le ba ga Moaba, le ba ga Hagara,

₇Le ba Gebala, le Baamoni, le Baamaleke, le Bafilisita, le ba agilego Tiro.

₈Le Basiria ba ba phalaletše, ba tiišana maatla le ba ga Loto.

₉Ba dire tšela tša go dirwa Midiane, le Sisera, le Jabini nokeng ya Kisone,

₁₀Ba go fedišetšwa gona kua Endoro, ba ba bjalo ka lerole la lefase.

₁₁Bakgoma ba bona ba dire tša go dirwa boOrebe le Seebe; le marena a bona a dirwe tša bo Tseba le Tsalamuna,

₁₃Modimo wa ka, ba kobe bjalo ka maudi ledimong, ba etše moko go tšewa ke phefo,

₁₄Boka mollo ge o tšhuma hlaga, boka kgabo ge e tukuma dithabeng.

₁₅O realo o ba hlomarele ka medumo ya gago, o ba tšhoša ka ledimo la gago.

₁₆Ba bipiše difahlego ka dihlong, ba be ba go nyake, wena Morena.

₁₇A ba dumale ba dule ba tšhogile go ya go ile, ba šegame ba senyege.

₁₈Ba tsebe gobane Morena ke wena, Mong wa leina leo o nnoši, Yogodimodima Kukamalefase.