Tlhahisoleseding e Nngwe

1 IINKRONIKE 18

Izipi nombuso kaDavida

₁Kwathi emva kwalokho uDavida wamadlha amaFilista bewawabusa. Wathumba iGathi nemizanayo wayikhupha ezandleni zamaFilista. ₂UDavida waragela phambili wamadlha namaMowabi, aba ziinsebenzi zakhe, athela nemithelo kuye. ₃Ngaphezu kwalokho wamadlha nekosi yeTsoba uHadadi-Ezeri hlanu kweRhamathi, lokha uHadadi-Ezeri nasendleleni bona ayokusungula umbuswakhe magegana nomlambo iYufrathe. ₄UDavida wathumba kuye iinkulungwana zeenkarana zepi, iinkulungwana ezilikhomba zabakhweli beenkarana kanye neenkulungwana ezimatjhumi amabili zamajoni weenyawo. Waqunta imisipha yeenjomani wazitjhiyela kwaphela ikhulu leenjomani ezibotjhelwako. ₅Kuthe lokha ama-Aramu weDamaseku nakeza bonyana azokusiza uHadadi-Ezeri ikosi yeTsoba, uDavida wamadlha phasi iinkulungwana ezimatjhumi amabili nambili zawo. ₆Wajamisa iinqhema zamajoni embusweni wama-Aramu eDamaseku. Ama-Aramu asebenzela uDavida abe athela nemithelo kuye. USomnini wapha uDavida ukuhlula koke lapha akhamba khona.

₇UDavida wathatha iinlanda zegolide egade kungezeenduna zakaHadadi-Ezeri waziletha eJerusalema. ₈Ukusukela eThibirhathi neKuni ekumimizi egade ingeyakaHadadi-Ezeri, uDavida wabutha lapho ikoporo enengi kwamambala. Emva kwesikhathi ngekoporo leyo uSolomoni wenza ilwandle lekoporo, iinsika zethempeli nezitjana zoke zekoporo.

₉Kuthe lokha uTowu ikosi yeRhamathi nakezwa bonyana uDavida uhlule loke ibutho lakaHadadi-Ezeri ikosi yeTsoba, ₁₀wathumela uHadoramu indodanakhe ekosini uDavida uyokumbingelela nokumthokozisa ekwahluleni kwakhe ipi kaHadadi-Ezeri ngombana uHadadi-Ezeri bekahlala alwa naye. UHadoramu waphathela uDavida imihlobohlobo yezipho zegolide, zesiliva nezekoporo. ₁₁Ikosi uDavida yanikela iziphezo kuZimu njengombana bekenzile ngesiliva negolide agade alithumbe kizo zoke izizwe azihlulileko. Izizwezi gade kuma-Edomu, amaMowabi, ama-Amoni, amaFilista nama-Amalekhi.

₁₂U-Abitjhayi umsa kaTseruya wamadlha phasi itjhumi nabunane leenkulungwana zabakwa-Edomu ngemrhobeni weTswayi. ₁₃Wajamisa iinqhema zamajoni kwa-Edomu. Ama-Edomu woke asebenzela uDavida. Ngambala uSomnini uZimu wapha uDavida ukuhlula koke lapha akhamba khona.

Iinkhulu zakaDavida

₁₄UDavida wabusa phezu kwaka-Israyeli woke, wagweba ngokulungileko boke abeza kuye ngemiraro.

₁₅

UJowabi umsa kaTseruya gade amphathi webutho;

uJehotjhafathi umsa ka-Arhiludi kungusosiba;

₁₆

uTsadokhi umsa ka-Arhitubi no-Abimeleki umsa ka-Abiyatari bekubaphristi;

uTjhavitjha angumabhalana;

₁₇

uBhenaya umsa kaJehoyada gade aphethe amaKereti namaPeleti;

amadodana kaDavida wona bekaziinkhulu ngehlangothini lakayise.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

1 IINKRONIKE 18

Izipi nombuso kaDavida

Iinkhulu zakaDavida