Tlhahisoleseding e Nngwe

2 IINKRONIKE 16

U-Asa wenza isivumelwano nama-Aramu

₁Emnyakeni wamatjhumi amathathu nesithandathu wokubusa kwaka-Asa, uBhatjha ikosi yakwa-Israyeli wenyuka wayokulwa noJuda bewakha nomthangala magegana neRama ukuze u-Asa ikosi yakwaJuda akhandeleke ngenarhenakhe. ₂Yeke u-Asa wakhupha igolide nesiliva ngendlini yamagugu wethempeli lakaSomnini nesigodlweni sakhe wayithumela kuBhen-Hadadi ikosi yama-Aramu ogade ahlala eDamaseku, wathi: ₃“Akube nesivumelwano phakathi kwami nawe njengombana kwakunjalo phakathi kwakababa nobabakho. Qala, ngikuthumelela isiliva negolide. Nje-ke qeda isivumelwano sakho noBhatjha ikosi yakwa-Israyeli ukuze angigadunge.”

₄UBhen-Hadadi wavumelana nekosi u-Asa bewathumela abaphathi bamabuthwakhe kobana asahlele amadorobho wakwa-Israyeli. Wahlula i-Iyoni, iDani, i-Abela-Mayimu nawo woke amadorobhobulungelo wakwaNafitali. ₅Kwathi bona uBhatjha ezwe lokho, walisa ukwakha umthangala eRama bewajamisa umsebenzakhe. ₆Yeke ikosi u-Asa yaletha woke amadoda wakwaJuda eRama bonyana azokuthatha amatje neengodo ebezisetjenziswa nguBhatjha. Yakha ngazo iGeba neMitsipha.

₇Ngesikhatheso uRhanani umboni weza ku-Asa ikosi yakwaJuda wathi kuye: “Ngebanga lokobana uthembele ekosini yama-Aramu kodwana ingasi kuZimu iKosakho, ibutho lekosi ye-Aramu liphunyurhile esandleni sakho. ₈Angithi amaKutjhe namaLibhiya gade alibutho elinamandla begodu aneenkarana ezinengi nabakhweli beenjomani abanengi? Kodwana kwathi lokha nawuthembela kuSomnini, wabanikela esandleni sakho. ₉Ngombana amehlo kaSomnini athalaza ephasini loke ukuqinisa labo abanhliziyo zabo zinamathele kuye. Wena-ke wenze ubudlhadlha. Nje-ke ukusuka gadesi uzakuphila ngepi.”

₁₀U-Asa wathukuthelela umboni ngebanga lamezwi la. Wasilingeka kangangobana wamfaka esikhungweni. Kanti-ke ngesikhatheso, wagandelela nabanye babantu.

Ukugula nokufa kwaka-Asa

₁₁Izehlakalo zokubusa kwaka-Asa ukusuka ekuthomeni bekube sekupheleni zitlolwe encwadini yamakhosi wakwaJuda newakwa-Israyeli. ₁₂Emnyakeni wamatjhumi amathathu nethoba wokubusa kwakhe, wasahlelwa sisifo seenyawo sambhokela khulu. Ekuguleni kwakhe azange abe afune isizo lakaSomnini, kodwana wafuna isizo lamagedla kwaphela. ₁₃Yeke wahlongakala u-Asa. Walala emnyakeni wamatjhumi amane nanye wokubusa kwakhe. ₁₄Bambulunga ezindleni azakhela lona eMzini kaDavida. Bamlalisa emsemeni ogade ufafazwe ngeenthako ezilungiswe muvangi weenhlahla. Bamhlonipha ngokubasa ikehla yomlilo.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

2 IINKRONIKE 16

U-Asa wenza isivumelwano nama-Aramu

Ukugula nokufa kwaka-Asa