UHEZEKIYELI 35

₁Ilizwi lakaSomnini lafika kimi lathi: ₂“Ndodana yomuntu, qalisa ubuso bakho ngentabeni iSeyiri bese uphorofida ngokujamelana nayo, ₃uthi, ‘Nakhu okutjhiwo nguSomnini uSomandla:

₅“ ‘Njengombana ufukamele ubutha obungapheliko begodu wanikelela abantu bakwa-Israyeli emandleni wesabula ngesikhathi sesizi labo, iye, ngesikhathi sokuhlunguphazwa kwabo; ₆ngalokho ngiyafunga ngokuphila kwami, ngizokunikela ekuthululweni kweengazi, ukuthululwa kweengazi kukulandelele. Njengombana ungazange uzonde ukuthulula iingazi, ukuthulula iingazi kuzokulandelela.’ Kutjho uSomnini uSomandla. ₇‘Intaba iSeyiri ngizoyenza indawo elibhudu netjhiyiweko; ngizakuphelisa kiyo owehla enyuke. ₈Iintaba zakho ngizozizalisa ngababuleweko wena Edomu. Labo ababulewe ngesabula, bazakuwela emibundwinakho, emirhobenakho nemilanjanenakho. ₉Ngizokwenza amarubhi wamlibe namadorobhakho angekhe asahlalwa mumuntu. Nje-ke nizakwazi bonyana nginguSomnini.

₁₀“ ‘Njengombana ukhulumile bona izizwe ezimbili namazwe amabili la ngewakho, nizozithathela wona niwathumbe nanyana mina Somnini bengilapho, ₁₁ngalokho, ngifunga ngokuphila kwami, bonyana mina ngizokusebenza ngawe ngokuya ngokuthukuthela kwakho nangesikhwele sakho osibonise lokha nawujamelene nabo ngezondo.’ Kutjho uSomnini uSomandla. ‘Ngizakuzazisa phakathi kwabo lokha nangikugwebako. ₁₂Uzakwazi bona mina Somnini ngizwile zoke iinkulumo zakho ohlambalaze ngazo iintaba zakwa-Israyeli, lokha nawukhuluma bona zitjhiyiwe, zanikelwa nina ukuze nizirhiribidele.’ ₁₃Ngemilonyanenu nizidumise ngokujamelana nami begodu nandise namezwenu ngakimi. Yeke ngikuzwile lokho. ₁₄Nje-ke, nakhu okutjhiwo nguSomnini uSomandla: Kuzakuba lithabo lephasi loke, nangikwenza ibhudu, wena Edomu. ₁₅Njengombana uzithabise ngelifa lendlu yakwa-Israyeli ngombana libe libhudu, ngendlela enjalo ngizokusebenza ngawe: Uzakuba libhudu wena ntaba Seyiri no-Edomu woke, iye, woke ngonina. Nje-ke bazakwazi bonyana nginguSomnini.”