U-ISAYA 12

₁Mhlokho wena Israyeli uzakuthi:

“Somnini, ngizakukudumisa.

Nanyana bewungisilingakalele,

ilaka lakho lisukile wabuye wangiduduza.

₂Ngambala uZimu uyisindiswami,

ngizamethemba ngingesabi.

USomnini, iye uSomnini umamandla

neenkhwepha zami

begodu uyisindiswami.”

₃Nizakukha amanzi ngokuthaba

emthonjeni wesindiso.

₄Mhlokho nizakuthi:

“Bongani uSomnini, nibize ibizo lakhe;

nazise izenzo zakhe phakathi kwezizwe;

nimemezele bona ibizo lakhe liphakamile.

₅Dumisani uSomnini

ngombana wenze izinto ezibabazekako;

lokhu akwaziwe ephasini loke.

₆Hlokomani, nililizele nina zakhamuzi zeZiyoni,

ngombana mkhulu hlangana nani

oCwengileko wakwa-Israyeli.”