AMARHUBO 13

₂Kuzabe kube nini Somnini usoloko ungikhohliwe?

Uzakusitha ubuso bakho kimi bekube nini?

₃Kuze kube nini ngiwurubajekile,

nginesizi ehliziywenami ilanga loke na?

Kuzabe kube nini

isitha sami singidlondlhomalela na?

₄Somnini Zimami, akhese uyelele, ungiphendule!

Khanyisa amehlwami

ukuze ngingalali ubuthongo bokufa,

₅isitha sami singathi, “Ngimhlulile”

namanabami angathabi

ngombana ngigeba amadolo.

₆Kodwana mina ngibambelele ekwethembekeni kwakho,

ihliziywami iyathaba ngesindiswakho.

USomnini ngizamrhubela

ngombana ungenzele okuhle.