AMARHUBO 136

₁Thokozani uSomnini ngombana ulungile

– ukwethembeka kwakhe kujame isiphelani!

₂Thokozani uZimu ophezu koke

– ukwethembeka kwakhe kujame isiphelani!

₃Thokozani uSomandla oyiKosi yamakhosi

– ukwethembeka kwakhe kujame isiphelani!

₄Nguye yedwa owenza iimangaliso ezikulu

– ukwethembeka kwakhe kujame isiphelani –

₅nguye owenza amazulu ngelwazi

– ukwethembeka kwakhe kujame isiphelani –

₆wendlala iphasi phezu kwamanzi

– ukwethembeka kwakhe kujame isiphelani –

₇wadala iinkhanyisi ezikulu

– ukwethembeka kwakhe kujame isiphelani –

₈iye, ilanga kobana libuse imini

– ukwethembeka kwakhe kujame isiphelani –

₉inyanga neenkwekwezi kobana zibuse ubusuku

– ukwethembeka kwakhe kujame isiphelani!

₁₀Nguye owamadlha amaGibhide

ngokubulala amazibulwawo

– ukwethembeka kwakhe kujame isiphelani –

₁₁wenyula u-Israyeli hlangana nawo

– ukwethembeka kwakhe kujame isiphelani –

₁₂wamenyula ngamandla amakhulu nangesiphanga sakhe

– ukwethembeka kwakhe kujame isiphelani –

₁₃wahlukanisa ilwandle lomGaba phakathi

– ukwethembeka kwakhe kujame isiphelani –

₁₄wenza u-Israyeli bona ayame phakathi kwalo

– ukwethembeka kwakhe kujame isiphelani –

₁₅wadlhunya uFaro nebutho lakhe

ngaphakathi kwelwandle lomGaba

– ukwethembeka kwakhe kujame isiphelani –

₁₆warhola abantu bakhe erhalawumbeni

– ukwethembeka kwakhe kujame isiphelani –

₁₇wamadlha amakhosi amakhulu

– ukwethembeka kwakhe kujame isiphelani –

₁₈iye, wabulala amakhosi anamandla

– ukwethembeka kwakhe kujame isiphelani –

₁₉uSirhoni ikosi yama-Amori

– ukwethembeka kwakhe kujame isiphelani –

₂₀no-Ogi ikosi yeBhatjhani

– ukwethembeka kwakhe kujame isiphelani –

₂₁wanikela inarhawo bona ibe lilifa

– ukwethembeka kwakhe kujame isiphelani –

₂₂iye, ilifa lencekwakhe, u-Israyeli

– ukwethembeka kwakhe kujame isiphelani!

₂₃Nguye owasikhumbulako nasisabogabogako

– ukwethembeka kwakhe kujame isiphelani –

₂₄wasisindisa emanabenethu

– ukwethembeka kwakhe kujame isiphelani –

₂₅Nguye opha ukudla kikho koke okuphilako

– ukwethembeka kwakhe kujame isiphelani –

₂₆Thokozani uZimu wezulwini

– ukwethembeka kwakhe kujame isiphelani!