AMARHUBO 142

₂Ngirhuwelela uSomnini,

ngelizwi lami ngizincengela kuye.

₃Ngithululela ukububula kwami kuye,

ngibika ikingami phambi kwakhe;

₄ngithi: “Wena wazi indlelami

lokha ummoyami nawudambileko.

Endleleni lapha ngikhamba khona,

abantu bangifihlele isifu.

₅Akhusuthi uqala ngesidleni sami,

akakho noyedwa ongiyelelako;

abukho ubuphephelo kimi,

akakho umuntu ongitjhejako.

₆“Ngirhuwelela kuwe Somnini ngithi,

‘Wena usiphephelo sami;

ungikho koke enginakho enarheni yabaphilako.

₇Tjheja isililo sami,

ngombana ngithotjiswe khulu.

Ngephule kwabazumana nami,

ngombana banamandla khulu kunami.

₈Ngikhuphe ngesikhungweni

ukuze ngidumise ibizo lakho.

Abalungileko bazangizombeleza,

ngombana wena ungiphethe kuhle.’ ”