AMARHUBO 146

₁Haleluya!

Dumisa uSomnini mphefumulwami!

₂Iye, ngizakudumisa uSomnini ipilwami yoke,

ngivumele uZimami qobe ngisekhona.

₃Ningabeki ithemba lenu eenkhulwini,

iye, emuntwini obhubhako

okungekho kuye ukusindisa.

₄Lokha umphefumulwakhe nawuphumako,

yena ubuyela ehlabathini;

khona mhlokho aphele amaqhingakhe.

₅Ubusisiwe umuntu

omsizakhe unguZimu kaJakopo,

loyo ithemba lakhe likuSomnini uZimakhe,

₆owenza izulu nephasi,

ilwandle nakho koke okukikho,

olonda iqiniso isiphelani,

₇owenzela abagandelelweko ubulungiswa

nopha abalambileko ukudla.

USomnini utjhaphulula iimbotjhwa;

₈uSomnini uvula amehlo wabaphopheleko,

aphakamise abathotjisiweko,

athande abalungileko.

₉USomnini ulonda iinkhonzi,

asekele iintandani nabahlolokazi;

kodwana indlela yeenkhohlakali uyayiphambanisa.

₁₀USomnini uzakubusa isiphelani,

iye, uZimakho, wena Ziyoni,

iinzukulwana ngeenzukulwana.

Haleluya!