AMARHUBO 15

Somnini, ngubani ongakhosela ngetendeni lakho?

Ngubani ongaqupha entabenakho ecwengileko na?

₂Ngiloyo okhamba ngobuqotho

nowenza okulungileko,

okhuluma iqiniso ngokupheleleko;

₃ongahlebi abanye,

ongenzi okumbi kubafowabo

nongahlazisi iinhlobo zakhe.

₄Ngiloyo onyaza abaninwa nguZimu,

kodwana ahloniphe abesaba uSomnini;

ongephuli isifungo nanyana sibuhlungu,

₅ongabolekisi imalakhe ngenzalo

nongafunjathiswa bona alahle onganamlandu.

Owenza izintwezi, angeze anyakaziswa.