AMARHUBO 38

₂Somnini ungangikhuzi ngelaka lakho,

namkha ungikhalimele ngobukhali

₃ngombana imisubelakho ingenile kimi

nesandla sakho sesehlele phezu kwami.

₄Akusenapilo emzimbenami

ngebanga lelaka lakho;

akukho ukuthula emathanjenami

ngenca yesono sami.

₅Mbala amacalami adlula ihlokwami,

njengomthwalo obudisi khulu ayangidisibeza.

₆Amancebami ayabhibhidlha, anuke

ngebanga lobudlhayela bami.

₇Sese ngigobene, ngikoropene khulu;

ngikhamba ngeenzilo imini yoke.

₈Iye, idini lami liqaqamba khulu

nepilo ayikho enyamenami.

₉Ngibuthakathaka begodu ngivithikile;

ngiyabubula ngenca yokubibitheka ehliziywenami.

₁₀Somandla, koke ukufisa kwami

kuphambi kwakho;

ukubalabala kwami akukafihleki kuwe.

₁₁Ihliziywami iyadukuza

namandlami angitjhiyile,

ngitjho nokukhanya kwamehlwami kukhambile.

₁₂Abangani nabakhozi bami

bajamela kude neenhlungu zami;

ngitjho neenhlobo zami zijamele kude nami.

₁₃Abantu abafuna ipilwami bangibekela isifu,

kuthi abasophe ukungilimaza,

bakhulume ngokungisongela,

bahumuze ikohliso ilanga loke.

₁₄Kodwana mina nginjengesithulu,

angibalaleli!

Nginjengesimumu esingavuli umlomo;

₁₅iye, nginjengomuntu ongezwako

nonganakuphikisa emlonyenakhe.

₁₆Kodwana ngiqalelele kuwe Somnini,

nguwe Somandla Zimami ozangiphendula.

₁₇Ngikubawe ngathi:

“Labo abazikhukhumeza ngami,

ungabavumeli bajabule

lokha inyawo lami nalitjhelelako.”

₁₈Emanyeni, sengiseduze nokuwa

nesihlabi singinamathele.

₁₉Ngiyalivuma icala lami,

ngibuhlungu ngesono sami.

₂₀Kodwana izitha zami ziphilile, zinamandla

begodu banengi abangizonda ngokungakafaneli.

₂₁Babuyiselela okuhle ngokumbi,

bayangisola nanyana ngiqotho.

₂₂Somnini ungangitjhiyi!

Zimami, ungabi kude nami!

₂₃Somandla, Sindiswami, rhaba ungisize!