AMARHUBO 77

₂Ngilila kuZimu, ngiyarhuwelela;

iye, ngilila kuZimu kobana angizwe.

₃Elangeni lesizi lami ngifuna uSomnini,

ebusuku izandla zami zeluliwe, azidinwa;

umphefumulwami wala ukududuzwa.

₄Ngiyabubula nangikhumbula wena Zimu,

ngiyazindla nommoyami udambe.

₅Ungenza ngiphilelwe,

iye, ngikhathazekile namezwi anginawo

₆lokha nangicabanga amalanga wakade

neminyaka eyadlulako.

₇Ebusuku ngikhumbula iinodo zami;

ngibubule ngehliziywami bengiwurubajeke,

ummoyami uguduze, ngizibuze:

₈USomandla ulahlela safuthi,

angasabi nomusa godu na?

₉Ukwethembeka kwakhe sekuphelile na?

Ilizwi lakhe selikhawukile iinzukulwana ngeenzukulwana na?

₁₀Ingabe uZimu ukhohlwe ukuba nesirhawu,

namkha ngelaka lakhe ususa isisa sakhe na?

₁₁Yeke ngafika esiphethweni sokuthi:

Imbangela yenceba lami

kukobana isidla songoPhezulu siphendukile!

₁₂Kodwana ngizahlala ngikhumbula izenzo zakaSomnini.

Mbala ngikhumbule iimangaliso zakho zekadeni,

₁₃ngihumuze ngemisebenzakho yoke,

ngizindle ngezenzo zakho zamandla.

₁₄Zimu, indlelakho icwengile!

Ngimuphi uzinyana omkhulu njengoZimu?

₁₅Wena unguZimu owenza iimangaliso,

ubonakalise amandlakho phakathi kwabantu.

₁₆Ngengalwakho wahlenga abantu bakho,

iye, iinzukulwana zakaJakopo noJosefa.

₁₇Lokha amanzi abona wena Zimu,

iye, lokha nakubonako, ayayaluka;

ngitjho namanzi amanengi ayanyakaza.

₁₈Amafu athulula amanzi,

umphezulu wararamba,

kwabenya imibanakho phasi phezulu.

₁₉Ukuthuthumba kwakho

kwaba njengetjhada levili lekarana;

imibanakho yaphazima enarheni yoke,

iphasi lanyakaza belazamazama.

₂₀Indlelakho beyidabula elwandle,

iye, imizilakho isemanzini anamandla,

nokho amagadangwakho bekangabonakali.

₂₁Warhola abantu bakho njengezimvu,

iye, ngesandla sakaMosi no-Aroni.