I DIKRONIKE 6

₁Bara ba Levi ke Gershome, Kehathe, le Merari. ₂Bara ba Kehathe ke Amrame, Jitsehare, Hebrone, le Usiele. Bana ba Amrame ke Aarone, Moshe, le Miriame. ₃Bara ba Aarone ke Nadabe, Abihu, Eleasare, le Ithamare. ₄Eleasare a tswala Finease, Finease a tswala Abishua, ₅Abishua a tswala Bukki, Bukki a tswala Ussi, ₆Ussi a tswala Serahia, Serahia a tswala Merajothe, ₇Merajothe a tswala Amaria, Amaria a tswala Akitube, ₈Akitube a tswala Tsadoke, Tsadoke a tswala Akimaatse, ₉Akimaatse a tswala Asaria, Asaria a tswala Johanane, ₁₀Johanane a tswala Asaria, ya kileng a tshwara tshebetso ya boprista tempeleng e hahilweng Jerusalema ke Salomone; ₁₁Asaria a tswala Amaria, Amaria a tswala Akitube, ₁₂Akitube a tswala Tsadoke, Tsadoke a tswala Shallume, ₁₃Shallume a tswala Hilkia, Hilkia a tswala Asaria, ₁₄Asaria a tswala Seraia, Seraia a tswala Jehotsadake. ₁₅Ke eo Jehotsadake ya ileng kgolehong, mohla Jehova a tlosang Juda le ba Jerusalema ka letsoho la Nebukadnesare.

₁₆Bara ba Levi ke Gershome, Kehathe, le Merari. ₁₇Mabitso a bara ba Gershome ke Libni le Shimei. ₁₈Bara ba Kehathe ke Amrame, Jitsehare, Hebrone, le Usiele. ₁₉Bara ba Merari ke Mahali le Mushi. Ke eo meloko ya Balevi ka ho ya ka bontata bona.

₂₀Bara ba Gershome ke Libni, mora wa hae, le Jahathe, mora wa hae, le Simma, mora wa hae, ₂₁le Jowa, mora wa hae, le Iddo, mora wa hae, le Sera, mora wa hae, le Jeathrai, mora wa hae. ₂₂Bara ba Kehathe ke Amminadabe, mora wa hae, le Kore, mora wa hae, le Assire, mora wa hae, ₂₃le Elkana, mora wa hae, le Ebiasafe, mora wa hae, le Assire, mora wa hae, ₂₄le Thahathe, mora wa hae, le Uriele, mora wa hae, le Osiase, mora wa hae, le Saule, mora wa hae. ₂₅Bara ba Elkana ke Amasai le Akimothe. ₂₆Haele Elkana, mora wa Elkana ke Tsofai, mora wa hae, Nahathe, mora wa hae, ₂₇Eliabe, mora wa hae, le Jerohame, mora wa hae, le Elkana, mora wa hae. ₂₈Bara ba Samuele, ke Joele, letsibolo la hae, wa bobedi ke Abia. ₂₉Bara ba Merari ke Mahali, le Libni, mora wa hae, le Shimei, mora wa hae, le Ussa, mora wa hae, ₃₀le Shimea, mora wa hae, le Haggia, mora wa hae, le Asaia mora wa hae.

₃₁Ba kileng ba bewa ke Davida ho tsamaisa tshebetso ya dipina tlung ya Jehova, mohla areka e boneng phomolo, ke bana: ₃₂ba nna ba etsa tshebetso eo ka pina pela moo tabernakele ya tente ya pokano e hlomilweng teng, ho fihlela ha Salomone a haha ntlo ya Jehova Jerusalema; teng, ba boela ba tshwara tshebetso ya bona ka lenaneo la bona la ho fapana. ₃₃Ba neng ba tshwara tshebetso eo hammoho le bana ba bona, ho bara ba Bakehathe e ne e le sebini Hemane, mora Joele, mora Samuele, ₃₄mora Elkana, mora Jerohame, mora Eliele, mora Thowa, ₃₅mora Tsufe, mora Elkana, mora Mahathe, mora Amasai, ₃₆mora Elkana, mora Joele, mora Asaria, mora Sofonia, ₃₇mora Thahathe, mora Assire, mora Ebiasafe, mora Kore, ₃₈mora Jitsehare, mora Kehathe, mora Levi, mora Iseraele. ₃₉E mong e ne e le Asafe, ngwanabo, ya neng a ema ka letsohong la hae le letona; ke Asafe, mora Berekia, mora Shimea, ₄₀mora Mikaele, mora Baaseia, mora Malkija, ₄₁mora Ethni, mora Sera, mora Adaia, ₄₂mora Ethane, mora Simma, mora Shimei, ₄₃mora Jahathe, mora Gershome, mora Levi. ₄₄Haele banababo bona, bara ba Merari, ba ne ba ema ka letsohong le letshehadi: e ne e le Ethane, mora Kishi, mora Abdi, mora Malluke, ₄₅mora Hashabia, mora Amatsia, mora Hilkia, ₄₆mora Amtsi, mora Bani, mora Shemere, ₄₇mora Mahali, mora Mushi, mora Merari, mora Levi.

₄₈Banababo bona, e leng Balevi ba bang, le bona ba newa ditshebetso tsohle tsa tabernakele ya ntlo ya Modimo. ₄₉Aarone le bara ba hae ba ne ba hlahisa mahlabelo aletareng ya ditjheso le dibano aletareng ya dibano; hape ba ne ba neilwe mesebetsi yohle ya sehalaledisiso, hore ba etsetse Iseraele pheko, kahohle kamoo Moshe, mohlanka wa Modimo, a neng a laetse kateng.

₅₀Bara ba Aarone, ke Eleasare, mora hae, le Finease, mora hae, le Abishua, mora hae, ₅₁le Bukki, mora hae, le Ussi, mora hae, le Serahia, mora hae, ₅₂le Merajothe, mora hae, le Amaria, mora hae, le Akitube, mora hae, ₅₃le Tsadoke, mora hae, le Akimaatse, mora hae.

₅₄Madulo a bara ba Aarone, ba meloko ya Bakehathe, a metse ya bona naheng ya bona, ao ba kileng ba abelwa wona ka lotho, ke ana: ₅₅Ba newa Hebrone naheng ya Juda, le mathoko a teng ka nqa tsohle. ₅₆Haele masimo a motse oo le metsana ya wona, ba e nea Kalebe, mora Jefunne. ₅₇Hape, bara ba Aarone ba newa metse e meng Juda: ke Hebrone, motse wa setshabelo, le Libna, ka mathoko a wona, le Jatthire le Eshthemowa ka mathoko a teng, ₅₈le Hilene le mathoko a teng, le Debire le mathoko a teng, ₅₉ka Ashane le mathoko a teng, le Bethe-Shemeshe ka mathoko a teng. ₆₀Lelokong la Benjamine, ba newa Geba le mathoko a teng, le Allemethe le mathoko a teng, le Anathothe ka mathoko a teng. Metse yohle ya bona, melokong ya bona, e ne e le metse e leshome le metso e meraro. ₆₁Bara ba Kehathe, ba neng ba setse ba mofuta wa leloko leo, ba newa metse ka lotho naheng ya leloko la Efraime, le ya leloko la Dane le ya mothapo o mong wa leloko la Manasse, ya eba metse e leshome. ₆₂Bara ba Gershome bona, ka ho ya ka meloko ya bona, ba newa metse e leshome le metso e meraro lelokong la Issaskare, le lelokong la Asere, le lelokong la Nefthali, le lelokong la Manasse naheng ya Bashane. ₆₃Bara ba Merari, ka ho ya ka meloko ya bona, ba newa metse e leshome le metso e mmedi ka lotho lelokong la Rubene, le lelokong la Gade, le lelokong la Sabulone.

₆₄Bana ba Iseraele ba nea Balevi metse eo ka mathoko a yona. ₆₅Hape, lelokong la bana ba Juda, le lelokong la bana ba Simeone, le lelokong la bana ba Benjamine, ba ba nea, ka lotho, metse eo e thontsweng ka mabitso a yona. ₆₆Ba setseng ba meloko ya bara ba Kehathe ba bona metse eo ba ka ahang ho yona lelokong la Efraime. ₆₇Ba ba nea metse ya setshabelo: ke Sikeme, thabeng ya Efraime, le mathoko a teng; le Gesere ka mathoko a teng, ₆₈le Jokmeame ka mathoko a teng, le Bethe-Horone le mathoko a teng; ₆₉le Ajalone le mathoko a teng, le Gathe-Rimmone le mathoko a teng; ₇₀le mothapong o mong wa leloko la Manasse, ba setseng ba leloko la bara ba Kehathe ba newa Anere le mathoko a teng, le Bileame le mathoko a teng.

₇₁Bara ba Gershome bona ba newa, mothapong o mong wa leloko la Manasse, Golane le mathoko a teng naheng ya Bashane, le Ashtarothe le mathoko a teng; ₇₂lelokong la Issaskare, ba newa Kedeshe le mathoko a teng, Dabrathe le mathoko a teng, ₇₃le Ramothe ka mathoko a teng, le Aneme ka mathoko a teng. ₇₄Lelokong la Asere, ba newa Mashale ka mathoko a teng, le Abdone ka mathoko a teng, ₇₅le Hukoke le mathoko a teng, le Rehobe ka mathoko a teng; ₇₆hape, lelokong la Nefthali ba newa Kedeshe wa Galelea le mathoko a teng, le Hammone le mathoko a teng, le Kiryathaime le mathoko a teng.

₇₇Ba setseng ba bana ba Merari, lelokong la Sabulone ba newa Rimmone le mathoko a teng, le Thabore le mathoko a teng; ₇₈ka mose wane ho Jordane, pela Jeriko, ka nqa botjhabela ho Jordane, ba newa lelokong la Rubene Betsere o leng nahathothe le mathoko a teng, le Jahtsa le mathoko a teng, ₇₉Kedemothe le mathoko a teng, le Mefaathe le mathoko a teng. ₈₀Lelokong la Gade, ba newa Ramothe-Gileade le mathoko a teng, Mahamaine le mathoko a teng, ₈₁le Heshbone le mathoko a teng, le Jaesere le mathoko a teng.