ESDRASE 10

₁Esdrase a re a sa ntsane a rapela, a ipolela, a lla a kgumame pela ntlo ya Modimo, ha bokana ho yena phutheho e kgolo haholo ya Baiseraele, ho le banna le basadi le bana; setjhaba se ne se lla habohloko haholo.

₂Yaba Shekania, mora Jehiele, wa bara ba Elame, o bua, a re ho Esdrase: Re ikgantsheditse Modimo wa rona, re nyetse basadi basele ba ditjhaba tsa lefatshe lena; leha ho le jwalo, tshepo e sa le teng bakeng sa Iseraele hodima taba eo. ₃A re keng re hlabe selekane le Modimo wa rona, sa ho kgutlisa basadi bao bohle le bana ba tswetsweng ke bona, jwalokaha ho eleditse monghadi wa ka le ba thothometswang ke molao wa Modimo wa rona, mme hona ho ke ho etswe ka molao. ₄Ema, hobane taba ena ke ya hao; re tla o emela, o iphe matla, o sebetse.

₅Yaba Esdrase o ema, a hlaphantsha dihlooho tsa baprista le tsa Balevi le tsa Baiseraele bohle, hore ba tle ba etse ka polelo eo; mme ba hlapanya. ₆Esdrase a ntoo tloha pela ntlo ya Modimo, a kena kamoreng ya Johanane, mora Eliashibe. Eitse hobane a kene teng, a se ke a ja bohobe, a se ke a nwa metsi, kahobane a ne a hlomohile ke boikgantsho jwa ba kgutlileng kgolehong.

₇Yaba ba hlabela bohle ba kgutlileng kgolehong mokgosi, Juda le Jerusalema, ha thwe, ba phuthehele Jerusalema; ₈le hore mang le mang ea sa tleng ka tshiu tse tharo, ka morero wa dihlooho le baholo ntho tsohle tsa hae di tle di jewe, yena a tle a kgaolwe phuthehong ya ba kgutlileng kgolehong.

₉Yaba batho bohle ba Juda le ba Benjamine ba phuthehela Jerusalema ka tshiu tse tharo, e le ka kgwedi ya boroba mono o le mong, ka letsatsi la mashome a mabedi la kgwedi; setjhaba sohle sa tla, sa dula lepatlelong le pela ntlo ya Modimo, se ntse se thothomela ka baka la taba e leng teng le ka baka la dipula. ₁₀Yaba moprista Esdrase o ema, a re ho bona: Le ikgantshitse ka ho nyala basadi basele, mme kahoo le ekeditse molato wa Iseraele. ₁₁Jwale ipoleleng molato wa lona pela Jehova, Modimo wa bontata lona, le etse thato ya hae, le ikgethe ho ditjhaba tsa lefatshe le ho basadi basele.

₁₂Yaba phutheho yohle e araba ka mantswe a phahameng, ya re: E, e ka kgona re etse jwalokaha o boletse. ₁₃Empa setjhaba se seholo; hape, ke nako ya dipula tse kgolo; ha ho kamoo re ka emang kantle kateng; hape, hase mosebetsi wa tsatsi le le leng, kapa wa matsatsi a mabedi, re tswe re le bangata haholo ba sitilweng tabeng ena. ₁₄A ho ke ho eme dihlooho tsa rona bakeng sa phutheho yohle, mme bohle ba nyetseng basadi basele metseng ya bona ba ke ba tle ka dinako tse tla bewa, ba tle ba ena le baholo ba motse o mong le o mong le baahlodi ba bona, ho fihlela bohale ba kgalefo ya Modimo wa rona bo ba bo kgeloswa hodima rona bakeng sa taba ena.

₁₅Empa Jonathane, mora Asaele, le Jahsia, mora Thikva, ba hana moo, ba emelwa ke Meshullame le Molevi Shabthai. ₁₆Haele ba kgutlileng kgolehong, bona ba etsa. Moprista Esdrase, le banna ba bang, bao e leng dihlooho tsa matlo a bontata bona, ba kgethwa ka matlo a bontata bona, mme bohle ba bolelwa ka mabitso a bona. Ba tla hammoho ka tsatsi le qalang kgwedi ya leshome, ho botsisisa taba ena. ₁₇Ka tsatsi le qalang kgwedi ya pele, ba qetella taba tsa banna ba nyetseng basadi basele.

₁₈Ha fumanwa bara ba bang ba baprista ba nyetseng basadi basele. Ho bara ba Joshua, mora Jotsadake, le ho banababo, ke Maaseia, Eliesere, Jaribe, le Gedalia. ₁₉Bona ba ntsha matsoho, ba itlama jwalo hore ba tla kgutlisa basadi ba bona; mme kahobane ba ne ba le molato, ba hlabela molato wa bona sehlabelo sa pheleu e ntjha. ₂₀Ho bara ba Immere, ke Hanani, le Sebadia. ₂₁Ho bara ba Harime, ke Maaseia, Elia, Shemaia, Jehiele, le Osiase. ₂₂Ho bara ba Pashkure, ke Eliwenai, Maaseia, Ishmaele, Nethaneele, Josabade, le Eleasa.

₂₃Ho Balevi, ke Josabade, Shimei, le Kelaia, kapa Kelitha, Pethahia, Juda le Eliesere.

₂₄Hara dibini, ke Eliashibe.

Ho balebedi ba menyako, ke Shallume, le Theleme, le Uri.

₂₅Haele Baiseraele, ho bara ba Pareoshe, ke Ramia, Jissia, Malkija, Mijamine, Eleasare, Malkija, le Benaia. ₂₆Ho bara ba Elame, ke Matthania, Sakaria, Jehiele, Abdi, Jeremothe, le Elia. ₂₇Ho bara ba Satthu, ke Eliwenai, Eliashibe, Matthania, Jeremothe, Sabade, le Asisa. ₂₈Ho bara ba Bebai, ke Johanane, Hanania, Sabbai le Athlai. ₂₉Ho bara ba Bani, ke Meshullame, Malluke, Adaia, Jashube, Sheale, le Ramothe. ₃₀Ho bara ba Pakathe-Moabe, ke Adna, Kelale, Benaia, Maaseia, Matthania, Betsaleele, Binnui, le Manasse. ₃₁Ho bara ba Harime, ke Eliesere, Jishija, Malkija, Shemaia, Simeone, ₃₂Benjamine, Maluke, le Shemaria. ₃₃Ho bara ba Hashume, ke Matthenai, Matthattha, Sabade, Elifelethe, Jeremai, Manasse, le Shimei. ₃₄Ho bara ba Bani, ke Maadai, Amrame, le Uele, ₃₅Benaia, Bedeia, Keluhu, ₃₆Vania, Meremothe, Eliashibe, ₃₇Matthania, Matthnai, Jaasai, ₃₈Bani, Binnui, Shimei, ₃₉Shelemia, Nathane, Adaia, ₄₀Maknadbai, Shashai, Sharai, ₄₁Asareele, le Shelemia, Shemaria, ₄₂Shallume, Amaria, le Josefa. ₄₃Ho bara ba Nebo, ke Jehiele, Matthitthia, Sabade, Sebina, Jaddai, Joele, le Benaia.

₄₄Bao kaofela ba ne ba nkile basadi basele, mme ba bang ho bona ba ne ba bile ba tswaletswe bana ke basadi bao.