PESALEME YA 100

₁Phahamisetsang ho Jehova mehoo ya lona ya thabo, lona kaofela ba lefatsheng! ₂Sebeletsang Jehova ka nyakallo, le itlhahise pela sefahleho sa hae ka dipina! ₃Le tsebe hobane Jehova ke Modimo! Ke yena ya re entseng, mme re ba hae, re setjhaba sa hae, re mohlape o aloswang ke yena. ₄Kenang dikgorong tsa hae ka diteboho, le mabaleng a hae ka dithoko! Mo leboheng, le rorise lebitso la hae! ₅Hobane Jehova o molemo, mohau wa hae o hlola ka ho sa yeng kae, le botshepehi ba hae melokong le melokong.