PESALEME YA 15

₁Jehova, moeti wa hao e tla ba mang tenteng ya hao? E tla ba mang ya tlang ho aha thabeng ya hao e halalelang?

₂Ke ya phelang ka bokgabane, a etsa ho lokileng, a bolela nnete kamoo e leng pelong ya hae kateng. ₃Leleme la hae ha le jale ketselletso, ha a etse wa habo hampe, ha a nyefole ngwanabo. ₄Mahlong a hae motho ya nyatsehang ke ya kgopo, empa o hlonepha batho ba tshabang Jehova. Leha a hlapantse, a ke ke a kweneha, leha e ka ba tshenyehelo ho yena; ₅ha a adime tjhelete ya hae ka phahello, ha a amohele mpho ho tswa ya se nang molato. Ya etsang jwalo, a ke ke a sisinyeha le ka ho sa yeng kae.