PESALEME YA 82

₁Modimo o kene phuthehong ya medimo, o ahlola mahareng a medimo.

₂Le tla ahlola ka bokgopo ho isa kae, le emele ba bolotsana ho isa kae? (Sela.) ₃Ahlolelang ba banyenyane le dikgutsana; le lokisetse mohlomohi le ya lesitsi; ₄lokollang ba madimabe le bahloki, le ba utle matsohong a ba bolotsana.

₅Ha ba na hlalefo, leha e le kutlwisiso; ba tsamaya lefifing; metheo kaofela ya lefatshe e a kgwehla. ₆Ke itse: Le medimo, mme bohle le bara ba Mookamedi ya phahameng. ₇Leha ho le jwalo, le tla shwa jwaloka batho, le we jwaloka marena afe le afe.

₈Oho Modimo, tsoha, o ahlole lefatshe, hobane ditjhaba kaofela e tla ba lefa la hao.