PESALEME YA 92

₁Ho monate ho roka Jehova, le ho binela lebitso la hao, Mookamedi ya phahameng! ₂ho bolela mohau wa hao ka meso, le bokgabane ba hao ka masiu wohle, ₃ka thomo e kgole tse leshome le ka pesalterine, ka harepa e modumo o monate.

₄Hobane o nthabisa, Jehova, ka diketso tsa hao, ke nyakalatswa ke mesebetsi ya diatla tsa hao. ₅Mesebetsi ya hao e meholo hakakang, Jehova, mehopolo ya hao e tebile hakakang! ₆Motho ya letlaopa ha a tsebe teng, lewatla ha le utlwisise teng.

₇Leha banyefodi ba mela eka meroho, le ba bolotsana kaofela ba atleha, ke hore ba senyehe ka ho sa feleng. ₈Empa wena, Jehova, o ntse o le Mookamedi ya phahameng ka ho sa feleng. ₉Hobane dira tsa hao, Jehova, dira tsa hao di a fela, ba sebetsang bobe kaofela ba qhalwa. ₁₀O emisa lenaka la ka jwaloka la nare, ke tlotsitswe ka ole e ntjha; ₁₁bahanyetsi ba ka ba tla thabisa mahlo a ka, ditsebe tsa ka di utlwe tshenyeho ya ba bolotsana, ya ba mphahamelang.

₁₂Ba lokileng ba mela jwaloka sefate sa palema, ba hola jwaloka kedare ya Lebanone. ₁₃Haele moo ba hlomilwe ka tlung ya Jehova, ba atleha mabaleng a Modimo wa rona; ba sa tla bea le boqhekung ba bona; ₁₄ba sa le moko le botala; ₁₅ba tle ba bolele hoba Jehova o lokile. Ke yena lefika la ka, mme ha ho bokgopo ho yena.