PESALEME YA 93

₁Jehova o a busa, o apere bokgabane; matla ke seaparo sa Jehova le senyepa sa hae; ka baka leo, lefatshe le tiile, le ke ke la sisinyeha. ₂Terone ya hao e tiile esale mehleng ya kgale, o ntse o le teng le mehleng e hlokileng qalo. ₃Jehova, dikgohola di phahamisa, dikgohola di phahamisa lentswe la tsona, dikgohola di phahamisa medumo ya tsona. ₄Jehova o kgabane nqalong tse diphahameng, o okametse medumo ya metsi a mangata le maqhubu a matla a lewatle. ₅Bopaki ba hao bo tshepahala ho fetisa. Kgalalelo e tshwanela ntlo ya hao, Jehova, kamehla yohle.