1 PETROSE 2

₁Ka baka leo, lahlang bobe bohle, le mano 'ohle, le boikaketsi, le mohōnō, le liketseletso tsohle. ₂Joaloka masea a sa tsoa hlaha, lakatsang lebese le hloekileng la lentsoe la Molimo, e le hore ka lona le tle le hōlisetsoe pholohong, ₃ha feela le latsoitse molemo oa Morena.

₄Tloong ho eo e leng lejoe le phelang, le lahliloeng ke batho, empa le khethiloeng ke Molimo, e le la bohlokoa. ₅Tloong le le majoe a phelang, a sebelisoang ho haha tempele ea moea. Le be baprista ba halalelang, ba nyehellang Molimo ka mahlabelo a moea, a amohelehang ho eena ka Jesu Kreste; ₆etsoe Mangolo a re:

₉Empa lōna le molōko o khethehileng, le baprista ba Morena, le mofuta o halalelang, le sechaba seo a se ruileng. Le khethetsoe ho bolela lintle tsa ea le ntšitseng lefifing, a le bitsetsa leseling la hae le hlollang. ₁₀Pele le ne le se sechaba, empa joale le sechaba sa Molimo; le ne le sa hauheloa, empa joale le hauhetsoe.

₁₁Baratuoa, le le baeti le bajaki, ke le khothaletsa hore le lahle litakatso tsa botho, tse loantšanang le moea. ₁₂Le be le metsamao e metle har'a bahedene, e tle ere ha ba bona mesebetsi ea lōna e metle, ba tlotlise Molimo mohl'a letsatsi la kahlōlo, le hoja joale ba ntse ba le bua hampe, ba re le etsa tse mpe.

₁₃Ka baka la Morena, ikokobeletseng litaelo tsohle tsa batho: e ka ba tsa khosi e phahametseng bohle, ₁₄kapa tsa babusisi ba beiloeng ke khosi ho otla ba etsang tse mpe, le ho rorisa ba etsang tse ntle. ₁₅Ke thato ea Molimo hore, ka ho etsa tse ntle, le felise lipuo tsa booatla, tsa lithoto. ₁₆Le phele ka bolokolohi; feela le se ke la bo sebelisa e le lesira le patang bobe, le mpe le phele le le bahlanka ba Molimo. ₁₇Hlomphang batho bohle, ratang balumeli, tšabang Molimo, hlomphang khosi.

₁₈Lōna bahlanka, ikokobeletseng beng ba lōna ka tšabo eohle; e seng ba lokileng le ba mosa feela, empa le bona ba khopo. ₁₉Ke ntho e ntle ha motho, ka baka la ho tšaba Molimo, a ka mamella mahlomola, a se na molato. ₂₀Le ka ithorisa joang ha le mamella likotlo hobane le entse libe? Empa ha le mamella mahlōkō, leha le ntse le etsa tse ntle, hona ho hotle mahlong a Molimo. ₂₁Ke seo le se bitselitsoeng, hobane Kreste le eena o ile a hlōkōfatsoa ka baka la lōna, 'me a le siela mohlala, hore le tle le hate mehatong ea hae.

₂₃Ha a hlapaoloa, ha aa ka a busetsa; ha a hlōkōfatsoa, ha aa ka a sokela motho, empa o ile a ipea matsohong a Moahlōli ea lokileng. ₂₄Eena, ka 'mele oa hae, o ile a isa libe tsa rōna sefapanong, hore re tle re shoe ka nqeng ea sebe, 'me re phele ka nqeng ea ho loka. Ke eena eo le folisitsoeng ke maqeba a hae. ₂₅Le ne le lahlehile joaloka linku, empa joale le khutletse ho Molisa le Mookameli oa meea ea lōna.