MORUTI 11

₁Lahlela bohobe ba hao

holim'a metsi,

hobane kamoso u tla bo fumana.

₂Bo abele ba supileng kapa ba robeli

kaha tsietsi tsa lefatše

u ke ke be ua li tseba.

₃Haeba maru a lusa pula

a tla e nesetsa holim'a lefatše;

fate se ka oela ka boroa

kapa ka leboea,

moo se oelang teng

ke moo se tla rapalla teng.

₄Ea lebeletseng moea a ke ke a jala,

ea talimileng maru a ke ke a kotula.

₅Joalokaha tsela ea moea

u sa e tsebe,

kapa pōpeho ea ngoana

ka pōpelong,

u ke ke ua tseba

mesebetsi ea Molimo,

e leng eena ea entseng tsohle.

₆Peō ea hao u e jale e sa le hoseng,

ho fihlela mantsiboea

matsoho a hao u se a phuthe,

hobane ha u tsebe e tla atleha,

kapa bobeli li tla mela hantle.

₇Ruri leseli le molemo,

le mahlo a thabela ho bona letsatsi.

₈Leha motho a ka phela

lemo tse ngata,

a ithabisa ka tsona tsohle,

feela a hopole matsatsi a lefifi,

hobane a tla ba mangata haholo;

tsohle tse tla tla ke lefeela.

₉Uena mohlankana,

ithabise u sa le mocha,

u nyakallele matsatsi

a bocha ba hao;

u latele thato ea pelo ea hao,

u tsamaee ho ea ka chalimo ea hao;

feela u tsebe Molimo o tla u ahlōla,

a u ahlōlele ketso tsohle tsa hao.

₁₀Kahoo felisa matšoenyeho

a pelo ea hao,

u hlōhlōlle tsietsi tsa 'mele oa hao,

hoba bongoana le bocha

ke mafeela-feelane.