LIPESALEMA 67

₂Molimo ak'u re hauhele,

u re hlohonolofatse,

u re bontše sefahleho,

fahleho se khanyang khotso.

₃Litsela tsa hao

li ke li tsejoe lefatšeng,

lichaba tsohle li tsebe

hore ua pholosa.

₄Lichaba li ke li u boke,

uena Molimo,

lichaba tsohle li u boke.

₅Merabe e ke e thabe, e etse litlatse,

hobane u ahlōla lichaba ka toka;

ke uena motsamaisi

oa merabe lefatšeng.

₆Lichaba li ke li u boke,

uena Molimo,

lichaba tsohle li u boke.

₇Lefatše le bile le chai e kholo,

Molimo, Molimo oa rōna,

o re hlohonolofalitse!

₈Molimo o re hlohonolofalitse,

a tšajoe ke bohle lefatšeng,

ho isa lipheletsong tsa lona.