LIPESALEMA 93

₁Morena ke khosi,

o khabile ka botlotlehi;

matla ke seaparo sa hae

le leqhama la hae.

O tiisitse lefatše,

le ke ke la sisinyeha.

₂Terone ea hao haesale e tiea

ho tloha khale-khale,

haesale u le teng

ho tloha mehleng ea khale-khale.

₃Linōka lia tlala, Morena,

linōka lia hoasa,

linōka lia luma.

₄U matla ho feta lialuma,

lialuma tsa metsi a leoatle,

u matla ho feta maqhubu a lona;

Morena ea holimo-limo o matla.

₅Litemoso tsa hao

li tšepahala haholo;

ntlo ea hao

e tšoaneloa ke khalalelo,

kamehla le mehla, uena Morena.