1 LIKETSAHALO 3

₁Bana ke bara bao Davida a ileng a ba tsoala ha a le Heborone. Mora oa hae oa matsibolo ke Amanone, ea tsoetsoeng ke Ahinoame oa Mojesereele; oa bobeli ke Daniele, ea tsoetsoeng ke Abikaele oa Mokaramele; ₂oa boraro ea e-ba Abosalome, mora oa Maaka, morali oa Talamai, khosi ea Gesure; oa bone ea e-ba Adoniea, mora oa Hagite; ₃oa bohlano ea e-ba Shefatiea, mora oa Abitale; oa botšelela ea e-ba Jitereame, oa mosali oa hae ea bitsoang Egela. ₄Bana ba tšeletseng ba ile ba tsoalloa Heborone, moo Davida a ileng a busa a le hona teng ka lilemo tse supileng le likhoeli tse tšeletseng. A busa ka lilemo tse mashome a mararo a metso e meraro, a le Jerusalema. ₅Bana ba ile ba tsoaloa ha a se a le Jerusalema: Shima, le Shobabe, le Nathane, le Solomone. Bana ba bane ba ile ba tsoaloa ke Batesheba, morali oa Amiele. ₆Ba bang e ne e le bo-Jibehare, le Eleshua, le Elipelete, ₇le Noga, le Nefege, le Jafia, ₈le Eleshama, le Eleada, le Elefelede, 'me bona ba le robong. ₉Bana kaofela e ne e le bara ba Davida, kantle ho bara bao a ba tsoaletsoeng ke basali ba hae ba mafielo. Khaitseli ea bona e ne e le Tamare.

₁₀Mora oa Solomone e ne e le Rehoboame. Rehoboame a tsoala Abiea, Abiea a tsoala Asa, Asa a tsoala Jehoshafate, ₁₁Jehoshafate a tsoala Jehorame, Jehorame a tsoala Akasiea, Akasiea a tsoala Jōoashe, ₁₂Jōoashe a tsoala Amasiea, Amasiea a tsoala Asariea, Asariea a tsoala Jotame, ₁₃Jotame a tsoala Akase, Akase a tsoala Hesekiea, Hesekiea a tsoala Manase, ₁₄Manase a tsoala Amona, Amona a tsoala Josiea. ₁₅Bara ba Josiea ke: Johanane, letsibolo la hae, oa bobeli ea e-ba Jehoeakime, oa boraro ea e-ba Sedekiea, oa bone ea e-ba Shalōme. ₁₆Bara ba Jehoeakime e ne e le Jekoneea le Sedekiea.

₁₇Bara ba Jekoneea, ea ileng a thōpuoa, a isoa Babilona, e ne e le Shealetiele, ₁₈le Malakirame, le Pedaea, le Shenasara, le Jekameea, le Hoshama, le Nedabiea. ₁₉Bara ba Pedaea ke Serubabele, le Shimei. Bara ba Serubabele ke Meshulame, le Hananiea; khaitseli ea bona ke Shelomite. ₂₀Bara ba bang ba hae ba bahlano ke Hashuba, le Ohele, le Berekiea, le Hasadiea, le Jushabe-Heseda. ₂₁Bara ba Hananiea ke Pelatiea, le Jeshaea. Jeshaea a tsoala Refaea, Refaea a tsoala Arenane, Arenane a tsoala Obadiea, Obadiea a tsoala Shekaniea, ₂₂Shekaniea a tsoala Shemaea, le Hatushe, le Jigale, le Baria, le Neareea, le Shafate. Kaofela ba ne ba tšeletse. ₂₃Bara ba Neareea ke Eleunai, le Hesekiea, le Asarikama. Ba ne ba le bararo. ₂₄Bara ba Eleunai ba ne ba supile, e le Hodafiea, le Eleashibe, le Pelaea, le Akube, le Johanane, le Delaea, le Anani.