2 SAMUELE 23

₁Tsena ke lipolelo tsa ho qetela tsa Davida:

₈Ana ke mabitso a bahale ba Davida: Ishe-Boshete oa Motakemone, e ne e le eena mookameli oa balaoli. Ke eena ea neng a fekefe banna ba makholo a robeli ka lerumo, a ba bolaea ka nako e le 'ngoe.

₉O ne a hlahlangoa ke Eleasare, mora oa Dodo, oa morabe oa Ahohi, e mong oa bahale ba bararo ba Davida. O ne a e-na le Davida mohla Bafilesita ba neng ba futuhile, 'me Baiseraele ba ba baleha. ₁₀A loana senna, a bolaea Bafilesita ho fihlela letsoho le khathala, le shoella bohatsu saboleng. Morena a ba tlisetsa tlhōlo e kholo mohlang oo, 'me hamorao bahale ba khutla le mehlala ho tla hlobolisa litōpō.

₁₁Eleasare o ne a hlahlangoa ke Shamma, mora oa Ako oa Harare. Lebōtho la Bafilesita la phuthehela Lehi, moo ho neng ho e-na le tšimo ea lierekisi, 'me bahlabani ba baleha Bafilesita. ₁₂Shamma a ikèma har'a tšimo, a loana ea khumamela, a bolaea Bafilesita, 'me Morena a mo tlisetsa tlhōlo e kholo.

₁₃Balaoli ba bararo, ba baokameli ba ba mashome a mararo, ba theohela ho Davida ka nako ea kotulo, a le lehaheng la Adulame. Lebōtho la Bafilesita le ne le hlomme ka khohlong ea Refaime. ₁₄Davida o ne a le ka qhobosheaneng ha lebōtho la Bafilesita lona le le Betlelehema. ₁₅Davida a utloa a nyoriloe, a re: “Eka motho a ka mpha metsi a tsoang selibeng sa Betlelehema, se pel'a khoro ea motse!” ₁₆Bahale ba bararo ba phunyeletsa mabōtho a Bafilesita, ba ea kha metsi selibeng sa Betlelehema se pel'a khoro ea motse. Ba e-kha metsi ao, ba a isa ho Davida. Empa Davida a hana ho a noa, a a qhalla fatše e le nyehelo ho Morena, ₁₇a re: “Morena nthuse ke se ke ka a noa! Ho a noa e tla be e le ho noa mali a banna ba ileng ba ipea kotsing.” Ka baka leo, a se ke a a noa.

Tsena li lile tsa etsoa ke bahale bana ba bararo.

₁₈Abishai, ngoan'abo Joabe, mora oa Seruea, e ne e le eena mookameli oa ba bararo bana. Ke eena ea neng a fekefe ba makholo a mararo ka lerumo, 'me lebitso la hae la tuma har'a ba mashome a mararo. ₁₉A tuma ho feta bahlabani ba mashome a mararo, ea e-ba molaoli oa bona. Empa a se ke a tuma joaloka balaoli ba bararo ba pele.

₂₀Benaea, mora oa Jehoeada, ea neng a e-tsoa Kabeseele, e ne e le monna ea tumileng ka liketso tsa bokoankoetla. A bolaea banna ba babeli ba Moabe, ba bohale joaloka tau. A ba a bolaea le tau e neng e le ka lemeneng, mohl'a lehloa le neng le khethehile. ₂₁A bolaea monna oa seithati oa Moegepeta, ea neng a tšoere lerumo, ha Benaea eena a ne a tšoere molamu. Benaea a hlōtha lerumo letsohong la Moegepeta, a 'molaea ka lerumo leo la hae. ₂₂Tsena ke tsona liketso tsa Benaea, mora oa Jehoeada, tse ileng tsa mo tumisa har'a ba mashome a mararo. ₂₃O ne a tumile ho feta ba mashome a mararo, empa a sa tuma joaloka balaoli ba bararo ba pele. Davida a mo etsa mookameli oa balebeli ba hae.

₂₄Asaele, ngoan'abo Joabe, e ne e le e mong oa ba mashome a mararo. Ba bang e ne e le: Elehanane, mora oa Dodo oa Betlelehema, ₂₅le Shamma oa Harode, le Eleka oa Harode, ₂₆le Helese oa Mopalete, le Ira, mora oa Ikeshe oa Tekōoa, ₂₇le Abiesere oa Anatote, le Mebunai oa Husha, ₂₈le Salemone oa Ahohi, le Maharai oa Netofa, ₂₉le Helebe, mora oa Baana oa Netofa, le Itai, mora oa Ribai oa Gibea e Benjamine, ₃₀le Benaea oa Piratone, le Hidai oa Nahale-Gaashe, ₃₁le Abialebone oa Areba, le Asemafete oa Barehume; ₃₂le Eleaheba oa Shaaleboni, bara ba Jashene, le Jonathane, ₃₃mora oa Shamma oa Harare, le Ahiame, mora oa Sharare oa Harare, ₃₄le Elefelede, mora oa Ahasebai oa Maaka, le Eliame, mora oa Ahitofele oa Gilo, ₃₅le Heserai oa Karamele, le Paarai oa Areba, ₃₆le Jigale, mora oa Nathane oa Soba, le Bani oa Mogade, ₃₇le Seleke oa Moamone, le Naharai oa Beerote, mojari oa lihlomo tsa Joabe, mora oa Seruea, ₃₈le Ira oa Jethero, le Garebe oa Jethero, ₃₉le Uriea oa Mohete.

Kaofela ba ne ba le mashome a mararo a metso e supileng.