AMOSE 4

₁Lōna basali ba Samaria,

mamelang mona!

Lōna ba kang tsoetse tsa Bashane,

tsoetse tse alohelang

thabeng ea Samaria;

lōna ba hatellang mafutsana,

le ripitle bahloki,

lōna ba reng ho banna ba lōna:

“Tlisang joala, re noe!”

“Bonang, matsatsi a tla tla,

ao ka 'ona

le tla tlosoa ka khoathatha;

le ba ho qetela har'a lōna,

ba tlosoe, ba huloa ka lilope.

₃Le tla tsoa ka likheo tsa marako,

le tsoe ka bonngoe le kolokile,

le tsoe, le e'o lahleloa Heremone,”

₄“Kaha le rata ho etsa sebe

tloong Bethele;

kaha le rata ho se atisa

tloong Gilegale.

Mahlabelo a lōna le a nyehele

ho tloha hoseng,

liabo tsa lōna le li ntše

ka tsatsi la boraro,

le li ntše

ka tsatsi la boraro ka leng.

₅Etsang nyehelo ea lōna ea teboho,

le e etse ka bohobe bo lomositsoe;

phatlalatsang linyehelo tsa lōna,

nyehelo tsa lōna tsa boithaōpo,

le li phatlalatse pontšeng ea bohle,

le ithorise ka tsona, lōna Baiseraele,

hoba hona

le hlile le rata ho ho etsa,”

₆“Metseng eohle ea lōna

ke le bolaisitse sekoboto,

le metsaneng eohle ea lōna

bohobe ka bo qephisa,

leha ho le joalo

ha lea ka la khutlela ho 'na,”

₇“Khoeli li sa le tharo

ho e-s'o kotuloe,

ha kea ka ka le nesetsa pula;

motse o mong ka o nesetsa pula,

o mong oona

ka se ke ka o nesetsa pula;

tšimo e 'ngoe ea neloa ke pula,

e 'ngoe eona ea e hloka, ea omella.

₈Baahi ba metse e 'meli, e meraro,

ba phaila, ba ea motseng o le mong,

ba phaila joalo ba il'o noa metsi;

ba a noa,

empa ba se ke be ba kholoa;

leha ho le joalo

ha lea ka la khutlela ho 'na,”

₉“Ka le otla,

ka senya lirapa tsa lōna,

ka senya masimo a lōna a morara,

ka a senya ka phori le ka boroku.

Litsie tsa kōkōna lifeiee

le mehloaare ea lōna,

leha ho le joalo

ha lea ka la khutlela ho 'na,”

₁₀“Ka le otla ka mafu a seoa,

ka le otla

sa mohla ke otlang Egepeta.

Bahlankana ba lōna

ka ba bolaea ka sabole,

ka bolaea le lipere tsa lōna,

pere tse hapiloeng.

Seputa se ka liahelong tsa lōna

sa le nkhela,

leha ho le joalo

ha lea ka la khutlela ho 'na,”

₁₁“Ka timetsa le metse ea lōna,

ka e timetsa

sa mohla Sodoma le Gomora;

la phonyoha

sa fatsa le tšotsoe mollong,

leha ho le joalo

ha lea ka la khutlela ho 'na,”

₁₂“Kahoo, uena Iseraele,

ke tla u etsa sena:

Erekaha ke tla u etsa joalo,

itokisetse ho ema

kapele ho Molimo,

kapele ho Molimo oa hao,

uena Iseraele.”

₁₃Ke eena ea theileng lithaba,

a ba a bōpa le meea.

O senolela motho mehopolo ea hae,

a fetole meso, a e etse lefifi.

O tsamaea a phahametse lefatše,

lebitso la hae ke Morena,

Morena, Molimo oa mabōtho.