Lelōko la Adama
1Ena ke buka ea lelōko la Adama. Mohla Molimo a hlolang motho o ile a mo bōpa ka setšoano sa Molimo; 2a bōpa e motona le e motšehali, a ba hlohonolofatsa, 'me a ba bitsa “motho”, mohla a ba hlolang.
3Adama o ne a e-na le lilemo tse lekholo le mashome a mararo ha a tsoala mora ka setšoano sa hae, ka sebōpeho sa hae, 'me a mo rea lebitso la Seta. 4Hoba Seta a tsoaloe, Adama o ile a phela lilemo tse makholo a robeli, 'me a tsoala bara ba bang le barali. 5Litšiu tsohle tseo Adama a li phetseng e bile lilemo tse makholo a robong le mashome a mararo; a nt'o shoa.
6Seta o ne a e-na le lilemo tse lekholo le metso e mehlano ha a tsoala Enoshe. 7Hoba Enoshe a tsoaloe, Seta o ile a phela lilemo tse makholo a robeli le metso e supileng, 'me a tsoala bara ba bang le barali. 8Litšiu tsohle tseo Seta a li phetseng e bile lilemo tse makholo a robong le leshome le metso e 'meli; a nt'o shoa.
9Enoshe o ne a e-na le lilemo tse mashome a robong ha a tsoala Kenane. 10Hoba Kenane a tsoaloe, Enoshe o ile a phela lilemo tse makholo a robeli le leshome le metso e mehlano, 'me a tsoala bara ba bang le barali. 11Litšiu tsohle tseo Enoshe a li phetseng e bile lilemo tse makholo a robong le metso e mehlano; a nt'o shoa.
12Kenane o ne a e-na le lilemo tse mashome a supileng ha a tsoala Mahalalele. 13Hoba Mahalalele a tsoaloe, Kenane o ile a phela lilemo tse makholo a robeli le mashome a mane, 'me a tsoala bara ba bang le barali. 14Litšiu tsohle tseo Kenane a li phetseng e bile lilemo tse makholo a robong le leshome; a nt'o shoa.
15Mahalalele o ne a e-na le lilemo tse mashome a tšeletseng a metso e mehlano ha a tsoala Jareta. 16Hoba Jareta a tsoaloe, Mahalalele o ile a phela lilemo tse makholo a robeli le mashome a mararo, 'me a tsoala bara ba bang le barali. 17Litšiu tsohle tseo Mahalalele a li phetseng e bile lilemo tse makholo a robeli le mashome a robong a metso e mehlano; a nt'o shoa.
18Jareta o ne a e-na le lilemo tse lekholo le mashome a tšeletseng a metso e 'meli ha a tsoala Henoke. 19Hoba Henoke a tsoaloe, Jareta o ile a phela lilemo tse makholo a robeli, 'me a tsoala bara ba bang le barali. 20Litšiu tsohle tseo Jareta a li phetseng e bile lilemo tse makholo a robong le mashome a tšeletseng a metso e 'meli; a nt'o shoa.
21Henoke o ne a e-na le lilemo tse mashome a tšeletseng a metso e mehlano ha a tsoala Metushela. 22Hoba Metushela a tsoaloe, metsamao ea Henoke ea khahla Molimo ka lilemo tse makholo a mararo, 'me a tsoala bara ba bang le barali. 23Litšiu tsohle tseo Henoke a li phetseng e bile lilemo tse makholo a mararo le mashome a tšeletseng a metso e mehlano. 24Metsamao ea Henoke ea khahla Molimo; eaba oa nyamela, hobane Molimo o ile a mo nka.
25Metushela o ne a e-na le lilemo tse lekholo le mashome a robeli a metso e supileng ha a tsoala Lameke. 26Hoba Lameke a tsoaloe, Metushela a phela lilemo tse makholo a supileng le mashome a robeli a metso e 'meli, 'me a tsoala bara ba bang le barali. 27Litšiu tsohle tseo Metushela a li phetseng e bile lilemo tse makholo a robong le mashome a tšeletseng a metso e robong; a nt'o shoa.
28Lameke o ne a e-na le lilemo tse lekholo le mashome a robeli a metso e 'meli ha a tsoala mora. 29A mo rea lebitso la Nōoe, a re: “Enoa o tla re phomotsa mosebetsing oa rōna, le boimeng ba oona bo bakiloeng ke thohako eo Morena a rohakileng mobu ka eona.” 30Hoba Nōoe a tsoaloe, Lameke a phela lilemo tse makholo a mahlano le mashome a robong a metso e mehlano, 'me a tsoala bara ba bang le barali. 31Litšiu tsohle tsohle tseo Lameke a li phetseng e bile lilemo tse makholo a supileng le mashome a supileng a metso e supileng; a nt'o shoa.
32Nōoe o ne a e-na le lilemo tse makholo a mahlano ha a tsoala Sema, le Kama, le Jafeta.
