MALAKIEA 4

₁Morena oa mabōtho o re: “Ruri letsatsi leo lea tla; le tla chesa joaloka sebōpi sa mollo. Bohle ba ikakasang le ba etsang bokhopo ba tla ba joaloka 'mōkō. Letsatsi leo le tlang le tla ba chesa ka mollo. Ha le ka ke la ba siela motso kapa lekala. ₂Ha e le lōna ba hlomphang lebitso la ka, letsatsi la ho loka le tla le chabela ka mahlaseli a lona a folisang. Lōna le tla tsoa, le thale joaloka manamane a buletsoeng ka sakeng. ₃Mohl'a tsatsi leo ke etsang tsena ka lona, le tla hatakela ba khopo, 'me ba tla ba joaloka molora katlas'a maoto a lōna,” ho rialo Morena oa mabōtho.

₄“Hopolang molao oa mohlanka oa ka Moshe, le litaelo le litemoso tseo ke neng ke mo nee tsona ha ba le Horebe, ho li tsebisa Baiseraele bohle.

₅“Bonang, ke tla le romela moporofeta Elia, letsatsi la Morena le leholo, le tšabehang, le e-s'o fihle. ₆O tla boelanya bo-ntat'a le bana ba bona, ho seng joalo ke tla tla, ke otle lefatše ka thōhako.”