LIPESALEMA 125

Ba tšepileng Morena

ba joaloka thaba ea Sione,

e ke keng ea sisinngoa,

e tiileng kamehla.

₂Joalokaha lithaba

li teetse Jerusalema hare,

le sechaba sa hae,

Morena o se teetse hare joalo,

ho tloha joale le kamehla eohle.

₃Efela lere la ba khopo

le ke ke la busa

lefatše le abetsoeng ba lokileng,

esere ba lokileng ba kenya

matsoho a bona bokhopong.

₄Morena, ak'u etse tse molemo,

u li etsetse ba lokileng,

le ba pelo li ntle.

₅Empa ba khelohetseng litseleng,

litseleng tse matsoelintsoeke,

Morena a ke a ba leleke,

a ba leleke le ba khopo.

Khotso e ke e be teng Iseraele.