LIPESALEMA 130

Ke ipiletsa ho uena Morena,

ke le tlase-tlase.

₂Morena, ak'u utloe lentsoe la ka!

Tsebe tsa hao li ke li mamele

ha ke etsa thapeli ea ka.

₃Morena, ha u tšoaea liphoso,

u tšoaea phoso tsa rōna,

ke mang, Morena, ea ka phelang?

₄Empa uena ua re tšoarela,

e le hore re tle re u hlomphe.

₅Ke tšepile Morena,

moea oa ka

o tšepile lentsoe la hae.

₆Moea oa ka o lebeletse Morena,

ho feta balebeli

ba lebeletseng meso,

e, ho feta balebeli

ba lebeletseng meso.

₇Iseraele a ke a lebelle Morena,

hobane Morena o mohau,

o na le topollo e kholo.

₈Ke eena ea tla lopolla Iseraele

bokhopong bohle ba hae.