Tlhahisoleseding e Nngwe

3 yaJohane 1

Singeniso

₁Lencwadzi iphuma kuMbonisi.

Iya kuGayusi lotsandzekako, lengimtsandza ngeliciniso. ₂Wena lotsandzekako, ngiyakhuleka kutsi konkhe kukuhambele kahle, nekutsi uphile kahle, njengobe ngati kutsi uyaphila emphefumulweni wakho. ₃Ngajabula kakhulu nakufika labanye bazalwane bafakaza ngekutimisela kwakho ecinisweni, njengobe uhamba ecinisweni. ₄Kute kujabula lengingaba nako lokwengca loko: kuva kutsi bantfwabami bahamba ecinisweni.

Gayusi uyadvunyiswa

₅Wena lotsandzekako, ukwenta ngekwetsembeka konkhe lokwentela bazalwane, ikakhulu etihambini, ₆labafakaze ngelutsandvo lwakho ebandleni. Utabe wente kahle ngekubahlinzeka ngako konkhe labangahle bakudzinge, ngiko loko lokufanelekile emsebentini waNkulunkulu. ₇Ngobe baphuma egameni laKhristu bangatsatsi lutfo kulabangakholwa kuye. ₈Ngako-ke sifanele kubasita bantfu labanjalo, kuze sibambisane nabo emsebentini weliciniso.

Kutiphatsa dlephu kwaDiyotrefesi

₉Kukhona lengakubhalela libandla, kodvwa-ke Diyotrefesi lotsandza kutibeka embili uyala kusemukela. ₁₀Ngako-ke nangifika lapho, ngiyawuvumbulula konkhe lokubi lakwente kitsi ngemavi lamabi, asihleba. Kodvwa loko akumenelisi, ngobe ujinge angabemukeli bazalwane; nalabo labafuna kubemukela, uyabavimbela abancume nasebandleni.

Kudvunyiswa kwaDemetriyusi

₁₁Wena lotsandzekako, ungasilandzeli sibonelo lesibi, kepha ubolandzela sibonelo lesihle. Umuntfu lowenta lokulungile waNkulunkulu; kepha umuntfu lowenta lokubi akazange asambone Nkulunkulu.

₁₂Demetriyusi unconywa ngibo bonkhe bantfu, ngisho neliciniso imbala liyamncoma; natsi siyamfakazela, futsi nawe uyati kutsi bufakazi betfu buliciniso.

Imikhontiso yekugcina

₁₃Benginetintfo letinyenti lebengingakubhalela ngato, kodvwa angifisi kutibhala phansi, ₁₄ngobe ngetsemba kutsi ngitakubona masinyane, sikhulume nawe umlomo nemlomo.

₁₅Kuthula akube nawe. Bonkhe bangani bayakuhambisa. Hambisa bangani, ngamunye ngamunye.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)