Sihlabelelo 123

₁Ngiphakamisela emehlo ami ngakuwe,

wena lohleti ebukhosini bakho ezulwini.

₂Yebo, njengobe inceku

yencike enkhosini yayo,

nanjengobe umzanyana

encike kumphatsi wakhe,

natsi-ke sincike kuSimakadze,

longuNkulunkulu wetfu,

aze abe nesihawu kitsi.

₃Sihawukele, Simakadze, sihawukele,

ngobe sesiphetfwe ngensila,

kwaze kwendlula.

₄Umphefumulo wetfu ukhatsele kakhulu

kweyiwa ngulabanjingile,

nakwedzelelwa ngulabatigabatisako.