Sihlabelelo 128

₁Babusiswe labo labesaba Nkulunkulu,

labo labahamba ngetindlela takhe.

₂Uyawudla titfukutfuku takho,

ube nenhlanhla nemphumelelo.

₃Umkakho uyawufanana nemvini lotselako

nasahleti endlini yakho,

bantfwabakho

babe njengemahlumela emncumo

nase bahleti etafuleni lakho.

₄Ibusiswa kanjalo-ke,

indvodza leyesaba Nkulunkulu.

₅Shangatsi Nkulunkulu angakubusisa aseSiyoni,

shangatsi ungabona kuchuma kweJerusalema

emphilweni yakho yonkhe.

₆Shangatsi ungaphila uze ukhokhobe,

uze ubone nebatukulu bakho.

Kuthula akube na-Israyeli.