Sihlabelelo 13

₁Hhawu, Simakadze!

Utangikhohlwa kuze kube ngunini?

Utangifihlela buso bakho

kuze kube ngunini?

₂Kutawuze kube ngunini

ngilwa nemicabango yami

ngifunana netindlela tekuphumelela?

Kutawuze kube ngunini

sitsa sami singehlula?

₃Bheka ngakimi, ungiphendvule,

Simakadze, Nkulunkulu wami.

Yenta emehlo ami akhanye,

ngingaze ngifikelwe butfongo bekufa.

₄Sitsa sami asingasho kutsi:

“Ngimehlule ngamkhipha inkhani,”

funa labatitsa tami bajabule,

ngobe sebabona kutsi ngiyayendza.

₅Kepha mine ngetsembele emseni wakho;

inhlitiyo yami iyawujabula

ngensindziso yakho.

₆Ngiyakuhlabela, ngikudvumise, Simakadze,

ngobe ube muhle kimi.