Sihlabelelo 93

₁Simakadze uyabusa,

wembetse inkhatimulo,

Simakadze wembetse,

wavunula emandla.

Ngempela, umhlaba wonkhe utintile,

ungeke utanyatanyiswe.

₂Sihlalo sakho sebukhosi

seloku sema sicinile kwasemandvulweni,

wena wawuvele ukhona kwasemaphakadzeni.

₃Imifula idlondlobele, Simakadze,

imifula idlondlobele ngekuhlokoma,

imifula idlondlobele ngekudvuma.

₄Kepha wena, Simakadze,

umkhulu kunekudvuma kwemanti lamanyenti,

umkhulu kunemagagasi aselwandle.

₅Bufakazi bakho buciniseke kakhulu,

bungcwele buyifanele indlu yakho,

phakadze naphakadze, Simakadze.