1 TIKRONIKA 24

₁Hi yona mitlawa ya vana va Aroni. Vana va xinuna va Aroni: Nadabu na Abihu, Eliyazara na Itamara. ₂Nadabu na Abihu va rhangela tata wa vona hi ku fa, va nga siyangi vana va xinuna; kutani Eliyazara na Itamara va va vaprista. ₃Kutani Davhida, na Sadoki, wa vatukulu va Eliyazara, na Ahimeleke, wa vatukulu va Itamara, a va avela emitirhweni ya vona, hi ku tswariwa ka vona. ₄Va kuma leswaku vana va Eliyazara a va ri ni tihosana ta tindlu ku tlurisa vana va Itamara, kutani va va avanyisa sweswo: vana va Eliyazara a va ri ni tihosana ta 16 ta tindlu ta vatata wa vona, ni vana va Itamara a va ri ni tihosana ta 8 ta tindlu ta vatata wa vona. ₅Va va avanyisa hi vuhlolotwana van'wana ni van'wana, hikuva a ti ri tihosana ta vukwetsimelo ni tihosana ta Xikwembu exikarhi ka vana va Eliyazara ni ka vana va Itamara. ₆Xemaya, n'wana Netanele, mutsari, wa nyimba ya Levhi, a va tala emahlweni ka hosi ni tindhuna ni le mahlweni ka Sadoki muprista, na Ahimeleke, n'wana Abiyatara, ni le mahlweni ka tihosana ta tindlu ta vaprista ni ta Valevhi. Va hlawula hi vuhlolotwana yindlu yin'we yi va ya Eliyazara, yin'wana yi va ya Itamara.

₇Vuhlolotwana byo sungula byi hlawula Yoyaribi; bya vumbirhi, Yedaya; ₈bya vunharhu, Harimi; bya vumune, Seyorimi; ₉bya vuntlhanu, Malikiya; bya 6, Miyamini; ₁₀bya 7, Hakosi, bya 8, Abiya; ₁₁bya 9, Yexuwa; bya 10, Xekaniya; ₁₂bya 11, Eliyaxibi; bya 12, Yakimi; ₁₃bya 13, Hupa; bya 14, Yexebeyabu; ₁₄bya 15, Biliga bya 16, Imere; ₁₅bya 17, Heziri; bya 18, Hapisesi; ₁₆bya 19, Petahiya; bya 20, Yehezekeli; ₁₇bya 21, Yakini; bya 22, Gamuli; ₁₈bya 23, Delaya; bya 24, Maaziya.

₁₉Hi kona ku longoloka ka vona entirhweni wa vona, ku nghena endlwini ya Yehovha, hilaha Aroni, tata wa vona, a va leriseke hakona, hilaha Yehovha, Xikwembu xa Israele, a n'wi byeleke hakona.

₂₀Loko va ri lava seleke va vana va Levhi, hi ta vona lava: Va vana va Amirama, Xubaele; va vana va Xubaele, Yehedeya. ₂₁Va Rehabiya, va vana va Rehabiya, hosana Yixiya; ₂₂va Yisihara, Xelomoto; va vana va Xelomoto, Yahata; ₂₃ni vana va Hebroni; Yeriya, Amariya, wa vumbirhi, Yahaziele, wa vunharhu, Yekameyamu, wa vumune. ₂₄Vana va Uziele: Mika; va vana va Mikiya, Xamiri; ₂₅Makwa Mika, Yixiya; va vana va Yixiya, Zakariya. ₂₆Vana va Merari: Maheli na Muxi, ni vana va Yaaziya, n'wanakwe. ₂₇Vana va Merari, va Yaaziya, n'wanakwe: Xohamu na Zakuru, na Ibri. ₂₈Va Maheli, Eliyazara, la nga riki na vana va xinuna. ₂₉Va Kixi, vana va Kixi Yerahamiele. ₃₀Ni vana va Muxi. Maheli, Edere na Yerimoto.

Hi vona vana va xinuna va Valevhi, hi tindlu ta vatata wa vona. ₃₁Na vona, kukotisa vamakwavo, vana va Aroni va hlawuriwa hi vuhlolotwana emahlweni ka hosi Davhida, na Sadoki, na Ahimeleke, ni tihosana ta tindlu ta vaprista ni ta Valevhi, tihosana ta tindlu ta vatata wa vona ti hlawuriwa kukotisa vamakwavo lavatsongo.