1 TIKRONIKA 8

₁Benjamini a veleka Bela, mativula ya yena, Axibele, wa vumbirhi, Ahara, wa vunharhu, ₂Noha wa vumune, na Rafa wa vuntlhanu. ₃Bela a kuma vana va xinuna: Adara, Gera, Abihudi, ₄Abixuwa, Naamani, Ahowaka, ₅Gera, Xefufana, na Huramu.

₆Hi vona vana va xinuna va Ehudi; a ti ri tihosana ta tindlu ta lava akeke eGeba, kutani va rhurhisiwa eManahate: ₇Naamani na Ahiya na Gera; hi yena loyi a va rhurhiseke. A veleka Uza na Ahihudu. ₈Xaharayimi a veleka vana ebanyini ra Mowabu, loko a tlherisile vasati va yena Huximi na Baara. ₉Kutani a veleka hi Hodexe, nsati wa yena, Yobabu na Sibiya na Mexa, na Malikamu, ₁₀na Yewusi, na Sakiya na Mirima; hi vona vana va yena, tihosana ta tindlu. ₁₁Huximi a a velekile Abitubi na Elifali. ₁₂Vana va xinuna va Elifali: Ebere, na Mixamu, na Xemeda. Hi yena la akeke eOno, na Lodo ni miti ya wona.

₁₃Beriya na Xema, leti nga tihosana ta tindlu ta vaaki va Ayaloni, va hlongorisa lava akeke eGati. ₁₄Ahiyo, Xaxaka, Yeremoto, ₁₅Zebadiya, Aradi, Edere, ₁₆Mikaele, Yixipa, Yoha, a va ri vana va Beriya. ₁₇Zebadiya, Mexulama, Hiziki, Hebere, ₁₈Yiximerayi, Yiziliya, na Yobabu, a va ri vana va Elifali. ₁₉Yakimi, Zikri, Zabidi, ₂₀Eliyenayi, Ziletayi, Eliele, ₂₁Adaya, Beraya, na Ximrata, a va ri vana va Ximeyi. ₂₂Yixipana, Ebere, Eliele, ₂₃Abidoni, Zikri, Hanana, ₂₄Hananiya, Elamu, Anatotiya, ₂₅Yifedeya, na Penuwele, a va ri vana va Xaxaka. ₂₆Xamaxerayi, Xehariya, Ataliya. ₂₇Yarexiya, Eliya na Zikri a va ri vana va Yerohama. ₂₈Hinkwavo lava a ti ri tihosana ta tindlu hi tinxaka ta tona. Va akile eYerusalema.

₂₉Tata wa Gibiyoni a akile eGibiyoni; vito ra nsati wa yena a a ri Maaka. ₃₀Mativula ya yena a a ri Abidoni kutani a kuma Suru, na Kixi, na Baali na Nadabu, ₃₁na Gedori, na Ahiyo na Zakere. ₃₂Mikiloto a veleka Ximeya. A va akile na vona eYerusalema, ekusuhi ni vamakwavo.

₃₃Neri a veleka Kixi, Kixi a veleka Sawulo; Sawulo a veleka Yonatani na Maliki-Xuwaka, na Abinadaba, na Exi-Baali. ₃₄Vana va Yonatani: Meriba-Baali; Meriba-Baali a veleka Mika. ₃₅Vana va Mika: Pitoni, na Meleki, na Tareya, na Akazi. ₃₆Akazi a veleka Yoyada; Yoyada a veleka Alemete na Azimavhete na Zimri; Zimri a veleka Moza. ₃₇Moza a veleka Bineya; Rafa, n'wanakwe; Eliyasa, n'wanakwe; Asele, n'wanakwe. ₃₈Asele a a ri ni vana va xinuna va ntlhanu na un'we, mavito ya vona hi lawa: Azirikama, Bokeru, Iximaele, Xeyariya, Obadiya, Hanana, hinkwavo lava a va ri vana va Asele. ₃₉Vana va xinuna va Exeke, makwavo: Ulamu, mativula ya yena, Yewuxi, wa vumbirhi, Elifelete, wa vunharhu. ₄₀Vana va Ulamu a va ri vavanuna va matimba lava copaka hi vurha, a va ri ni vana ni vatukulu lavo tala, va ri 150. Hinkwavo lava, a va ri vatukulu va Benjamini.