EKSODA 27

₁“U ta vatla alitari hi murhi wa munga; ku leha ka yona swi ta va swisungunhu swa ntlhanu, ni ku anama ka yona swisungunhu swa ntlhanu. Alitari yi ta va ni matlhelo ya mune lama ringanaka; ku yima ka yona swi ta va swisungunhu swinharhu. ₂U ta endla timhondzo ta mune etikhonweni ta alitari, kutani u ta yi nameka hi koporo. ₃U ta yi endlela ni swimbitana swa ku ola nkuma, ni tifoxolo, ni mindzheko, ni tintlhavo, ni timbita ta makala; mitirho hinkwayo ya yona u ta yi endla hi koporo. ₄U ta endlela alitari roster ya koporo kutani u ta endlela roster mune wa swingwavila swa koporo ematlhelweni ya yona ya mune. ₅U ta yi tiyisa ehansi ka xirhendzevutana xa alitari, exikarhi ka yona. ₆U ta endlela alitari mimpingu ya munga u yi nameka hi koporo. ₇Va ta nghenisa mimpingu eswingwavileni; mimpingu yi ta va ematlhelweni mambirhi ya alitari loko yi rhwariwa. ₈U ta endla vundzeni bya yona hi mapulangi. Yi ta endliwa hilaha u kombisiweke hakona entshaveni.

₉“Kutani u ta endla xivava xa Yindlu. Tlhelo ra dzonga u ta xi endlela tinguvu ta ntsembyana lowo saseka leti nembelelaka, ku leha ka tinguvu leti, swi ta va swisungunhu swa dzana tlhelo rin'wana. ₁₀Tlhelo rero ku ta endliwa ni timhandze ta makume mambirhi, ni switshamo swa tona swa koporo; timhingu ta timhandze ni swikhweketana swa tona swi ta va swa silivhere. ₁₁Ku ta endlisiwa sweswo hitlhelo ra n'walungu; eku leheni ka xivava, ku ta va dzana ra swisungunhu ra tinguvu, ni timhandze ta makume mambirhi, ni switshamo swa makume mambirhi swa koporo; timhingu ta timhandze ni swikhweketana swa tona swi va swa silivhere. ₁₂Loko ku ri eku anameni ka xivandla, hitlhelo ra vupeladyambu, ku ta vekiwa tinguvu leti nembelelaka ta swisungunhu swa ntlhanu wa makume, ni timhandze ta tona ta khume, ni switshamo swa tona swa khume. ₁₃Loko ku ri ku anama ka xivandla hitlhelo ra vuxa, swi ta va swisungunhu swa ntlhanu wa makume; ₁₄ti ta va tinguvu leti nembelelaka ta swisungunhu swa khume na ntlhanu hitlhelo rin'wana ra nyangwa, ₁₅kutani hitlhelo rin'wana ti ta va tinguvu ta swisungunhu swa khume na ntlhanu, ni timhandze ta tona tinharhu, ni switshamo swa tona swinharhu. ₁₆Enyangweni ya xivava ku ta va nguvu ya swisungunhu swa makume mambirhi ya xivunguvungu, ni scarlet, ni crimson, ni ntsembyana lowo saseka leyi swuriweke, leyi sasekisiweke hi ntirho wa vutlhari; ku ta endliwa ni timhandze ta yona ta mune, ni switshamo swa tona swa mune. ₁₇Timhandze hinkwato leti hlanganisaka xivava, ti ta va ni timbalelo ta silivhere, ni timhingu ta tona ti ta va ta silivhere, kambe switshamo swa tona swi ta va swa koporo. ₁₈Ku leha ka xivandla swi ta va swisungunhu swa dzana, ku anama ka xona swisungunhu swa ntlhanu wa makume ni ku yima ka xivava, swisungunhu swa ntlhanu; xi ta endliwa hi ntsembyana lowu swuriweke, ni switshamo swa xona hi koporo. ₁₉Loko swi ri swibya hinkwaswo swa Tabernakela swa mitirho hinkwayo ya yona, ni timhingu ta yona, ni timhingu hinkwato ta xivava, swi ta va swa koporo.

₂₀“Kutani, u ta lerisa vana va Israele leswaku va ku nyika mafurha layo saseka ya mihandzu ya mitlhwari leyi kamiweke, ma ta va ya ku voninga ma cheriwa etimboningweni leswaku ti nga timeki. ₂₁Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”