TIPISALEMA 110

₁Yehovha u te eka hosi ya mina:

“Tshamisa evokweni ra mina ra xinene,

Ndzi ko ndzi endla lava nga valala eka wena

Vunavelo bya mikondzo ya wena.”

₂Yehovha u ta tshambuluta hi le Siyoni nhonga ya matimba ya wena:

“Tlhoma ku fuma ka wena exikarhi ka valala va wena!”

₃Tiko ra wena ri ta va lera mapfundzu siku u hlengeletaka nyimpi ya wena.

Hi ku saseka loku hlawuriweke, lavantshwa va ta huma eka wena,

Kukotisa mberha leyi humaka evuxeni.

₄Yehovha u hlambanyile a nga ka a nga hundzuki,

U te: “U muprista hi laha ku nga heriki,

Hi mukhuva wa Melkisedeke.”

₅Hosi leyi nga evokweni ra wena ra xinene,

Yi hete tihosi hi siku ra vukari bya yona.

₆Yi ta rihisa exikarhi ka matiko: hinkwako ku ta tala mitsumbu.

Yi ta faya tinhloko etikweni lerikulu ngopfu,

₇Loko yi ri karhi yi famba yi nwa exinambyaneni,

Hikwalaho yi tlakuse nhloko ya yena.