Pisalema ya 122

₁Ndzi tsakile ngopfu loko va ndzi rhambile va ku:

“A hi yeni endlwini ya HOSI!”

₂We Yerusalema, sweswi hi fikile,

hi nghenile eka wena.

₃Yerusalema i muti lowu akiweke wu tiya,

wu rhendzeriwa hi rirhangu.

₄Hi kona tinxaka ta HOSI ti tlhandlukelaka kona ku ya yi tlangela,

hilaha Vaisraele va lerisiweke hakona.

₅Hi kona laha murhangeri wa tiko, yena munhu wa ka Davhida,

a avanyisaka timhaka a ri kona.

₆Khongelelani muti wa Yerusalema, mi wu kombelela ku rhula mi ku:

“Lava va ku rhandzaka a va kume ku tsaka!”

₇Ku rhula a ku ve kona endzeni ka rirhangu ra wena,

ni ku hlayiseka etindlwini ta wena ta vuhosi.

₈Hikwalaho ka vamakwerhu ni vanakulorhi,

ndzi ta ku: “Ku rhula a ku ve na wena Yerusalema!”

₉Leswi yindlu ya HOSI Xikwembu xa hina yi nga laha ka wena,

ndzi ku navelela minkateko.