Estere (Xigriki) B

₁ Mordekayi a a ri eku wiseni exivaveni, a ri na Gabata na Tara, va nga vatsheniwa vambirhi va hosi Ahasuwerusi lava a va rindza kwala xivaveni. ₂Ú va twa va vulavula, kutani a yingisela mhaka ya vona swinene, a twa leswaku a va endla makungu ya ku dlaya hosi ya vona. Hiloko Mordekayi a ya, a ya tivisa Ahasuwerusi emhaka leyi. ₃Kuteloko hosi yi lavisisile mhaka eka vatsheniwa lavambirhi, ni loko va tivurile nandzu, va yisiwa eku dlaweni.

₄Hosi yi tsarisa timhaka leti hinkwato eka Buku ya Matimu ya mfumo; na yena Mordekayi a ti tsala. ₅Kutani Ahasuwerusi a hlawula Mordekayi ku tirha ehubyeni ya yena, a n'wi nkhensa hi tinyiko eka leswi a swi endleke.

₆Kambe Hamani n'wana Hamedata, lowa Muagagi loyi a a fundzhiwa ngopfu hi hosi, a lava tindlela ta ku xanisa Mordekayi ni varikwavo hikwalaho ka vatsheniwa vambirhi va hosi lava dlayiweke.