Estere (Xigriki) 10

₁Hosi Ahasuwerusi a lerisa leswaku vaaki hinkwavo va swifundzha swa matiko ya yena ku ya fika eribuweni ra lwandle va n'wi humesela ndzuvo. ₂Mintirho hinkwayo ya mfumo wa yena ni ya vukulu bya yena, ni timhaka hinkwato ta ku fundzheka ka Mordekayi ni hilaha hosi yi n'wi kuriseke hakona, swi tsariwile eka Buku ya Matimu ya tihosi ta Vameda ni Vaperesi. ₃Mordekayi loyi wa Muyuda a a landza hosi Ahasuwerusi hi xiyimo; a a tiviwa swinene exikarhi ka Vayuda, nakona a a rhandziwa hi varikwavo, hikuva a a tikarhatela vona leswaku va hlayiseka, naswona a a tirha na vona hi ku rhula.