Nehemiya 7

₁Loko ntirho wo aka rirhangu ni ku vekela timbanti wu herile, ndzi vekile varindzi va le tinyangweni, ni vayimbeleri, ndzi veka ni Valevhi entirhweni. ₂Kutani ndzi veka makwerhu Hanani, na Hananiya loyi a a hlayisa khokholo leswaku va va vona valanguteri va muti wa Yerusalema. Hananiya a a ri munhu wo tshembeka, naswona a a chava Xikwembu ku tlula vanhu vo tala. ₃Kutani ndzi byela Hanani na Hananiya ndzi ku: “Vonani leswaku tinyangwa ta muti wa Yerusalema ti nga pfuriwi ku kondza dyambu ri va henhla, naswona loko vanhu va nga si ya eku etleleni, timbanti ti fanele ku pfariwa. Hlawulani varindzi exikarhi ka vaaki va muti wa Yerusalema; van'wana va fanele ku rindza etinyangweni, van'wana kusuhi na tindlu ta vona.”

₄Muti wa Yerusalema a wu ri wukulu swinene, kambe vanhu lava a va tshama kona a va nga talanga, naswona a va nga si aka tindlu to tala. ₅Kutani Xikwembu xi ndzi nyika miehleketo ya leswaku ndzi hlengeleta varhangeri ni tindhuna ni vanhu hinkwavo va ta tsariwa hi ku ya hi swivongo swa vona. Kutani ndzi kuma buku leyi ku tsariweke eka yona mavito ya lava va rhangeke va vuya hi le vukhumbini. Eka yona a ku tsariwile leswi:

₆Vanhu lava Nebukadnetsara hosi ya Babilona a va khomeke a va yisa evukhumbini, va sukile exifundzheni lexi a va tshama eka xona va tlhelela eYerusalema, un'wana na un'wana a kongoma emutini wa yena. ₇Varhangeri va vona a va ri lava: Zerubabele, na Yexuwa, na Nehemiya, na Azariya, na Ramiya, na Nahamani, na Mordekayi, na Bilixani, na Misperete, na Bigivhayi, na Nehumi, na Baana.

Mintsengo ya Vaisraele lava vuyeke hi leyi: ₈Va ka Paroxi i 2 172; ₉va ka Xefatiya i 372; ₁₀va ka Ara i 652; ₁₁va ka Pahata-Mowabu, vona vatukulu va Yexuwa na Yowabu, i 2 818; ₁₂va ka Elamu i 1 254; ₁₃va ka Zatu i 845; ₁₄va ka Zakayi i 760; ₁₅va ka Binuyi i 648; ₁₆va ka Bebayi i 628; ₁₇va ka Azigadi i 2 322; ₁₈va ka Adonikama i 667; ₁₉va ka Bigivhayi i 2 067; ₂₀va ka Adina i 655; ₂₁va ka Atere, va nga vona va ka Hezekiya, i 98; ₂₂va ka Haxumu i 328; ₂₃va ka Besayi i 324; ₂₄va ka Harifi i 112; ₂₅va ka Gibiyoni i 95; ₂₆va le Betlehema ni va le Netofa i 188; ₂₇va le Anatoto i 128; ₂₈va le Beta-Azimavhete i 42; ₂₉va le Kiriyata-Yeyarimi, ni va le Kefira, ni va le Beroto i 743; ₃₀va le Rhama ni va le Geba i 621; ₃₁va le Mikamasa i 122; ₃₂va le Betele ni va le Ayi i 123; ₃₃va le mutini lowun'wana wa Nebo i 52; ₃₄va le mutini lowun'wana wa Elamu i 1 254; ₃₅va le Harini i 320; ₃₆va le Yeriko i 345; ₃₇va le Lodo, ni va le Hadidi, ni va le Ono, i 721; ₃₈va le Sena i 3 930.

₃₉Vaprista hi lava; Va ka Yedaya, va nga va ndyangu wa ka Yexuwa, i 973; ₄₀va ka Imere i 1 052; ₄₁va ka Paxahuru i 1 247; ₄₂va ka Harimi i 1 017.

₄₃Valevhi hi lava: va ka Yexuwa ni va ka Kadimiele, va nga vatukulu va Hodavhiya, i 74. ₄₄Vayimbeleri, va nga va ka Asafa, i 148. ₄₅Lava rindzaka etinyangweni, va nga va ka Xalumi, ni va ka Atere, ni va ka Talimoni, ni va ka Akubu, ni va ka Hatita, ni va ka Xobayi, i 138.

₄₆Lava tirhaka eTempeleni hi lava: Va ka Siha, ni va ka Hasufa, ni va ka Tabawoto, ₄₇ni va ka Kerosi, ni va ka Siya, ni va ka Padoni, ₄₈ni va ka Lebana, ni va ka Hagaba, ni va ka Xalimayi, ₄₉ni va ka Hanana, ni va ka Gidela, ni va ka Gahara, ₅₀ni va ka Reyaya, ni va ka Resini, ni va ka Nekoda, ₅₁ni va ka Gazumu, ni va ka Uza, ni va ka Paseyaka, ₅₂ni va ka Besayi, ni va ka Mewunimi, ni va ka Nefuxesimi, ₅₃ni va ka Bakibuku, ni va ka Hakufa, ni va ka Hare-Huru, ₅₄ni va ka Basiliti, ni va ka Mehida, ni va ka Harexa, ₅₅ni va ka Barkosi, ni va ka Sisera, ni va ka Tema, ₅₆ni va ka Nesiya, ni va ka Hatifa.

₅₇Lava nga ntlaweni wa malandza ya Solomoni, hi lava: Va ka Sotayi, ni va ka Soferete, ni va ka Perida, ₅₈ni va ka Yaala, ni va ka Darkoni, ni va ka Gidela, ₅₉ni va ka Xefatiya, ni va ka Hatili, ni va ka Pokerete-Hasebayimi, ni va ka Amoni.

₆₀Vatirhi hinkwavo va le Tempeleni, ni lava nga ntlaweni wa malandza ya Solomoni i 392.

₆₁Lava a va tshama le Teli-Mela, ni le Teli-Harixa, ni le Keruba, ni le Adoni, ni le Imere, kambe va nga tivi lomu vakokwa wa vona va humaka kona, naswona va nga ri na vumbhoni bya leswaku i Vaisraele, hi lava: ₆₂va ka Delaya, ni va ka Tobiya, ni va ka Nekoda; hinkwavo i 642; ₆₃vaprista lava nga tiviki lomu vakokwa wa vona va humaka kona hi lava: Va ka Hobaya, ni va ka Hakosi, ni va ka Barizilayi (Barizilayi a a tekile un'wana wa vana va Barizilayi wa Mugiliyadi, kutani a thyiwa vito ra mukon'wana loyi wa yena). ₆₄Vanhu lava a va ehleketa leswaku mavito ya vona ma tsariwile ebukwini ya swivongo swa Vayuda, kasi a ma kona; hikokwalaho a va amukeriwanga exikarhi ka vaprista; a va tekiwa va ri lava nga tengangiki. ₆₅Ndhunankulu yi va byerile leswaku va nga tshuki va dya swakudya leswi humeseriwaka Xikwembu, ku kondza muprista a vutisa mhaka ya vona eka Xikwembu hi “Urimi” na “Thumimi”.

₆₆Ntshungu hinkwawo a wu ri 42 360, ₆₇loko ku nga hlayiwi malandza ya vona ya xinuna ni ya xisati; wona a ma ri 7 337. Vayimbeleri va xinuna ni va xisati a va ri 245. ₆₈A va ri ni tihanci ta 736, ni timeyila ta 245, ₆₉ni tikamela ta 435, ni timbhongolo ta 6 720.

₇₀Van'wana va tinhloko ta mindyangu va tinyiketile entirhweni wo aka. Ndhunankulu yi humesile swilo leswi landzelaka ku pfuneta ntirho wa ku aka: Nsuku wa 6 kg, ni minkambana ya 50, ni swiambalo swa vaprista swa 630. ₇₁Van'wana va tinhloko ta mindyangu va humese swo pfuneta ntirho wo aka, va humesa nsuku wa 120 kg na silivhere ya 1 585 kg. ₇₂Vanhu van'wana va humese nsuku wa 120 kg, na silivhere ya 1 440 kg, na swiambalo swa vaprista swa 67.

₇₃Vaprista, ni Valevhi, ni lava rindzaka etinyangweni, ni vayimbeleri, ni van'wana va vanhu ntsena, ni lava tirhaka eTempeleni, ni Vaisraele lavan'wana hinkwavo, a va tshama emitini ya vona.

Hi n'hweti ya vu-7, Vaisraele hinkwavo a va tshamisekile emitini ya vona.