ESETHERE 10

₁Kgosi Ahasueruse a tlhoma lekgetho mo lefatsheng le mo ditlhakeng tsa lewatle. ₂Ditiro tsotlhe tsa thata ya gagwe le tsa bonatla jwa gagwe, le polelo e e tletseng ya bogolo jwa ga Moretekai, jo kgosi e mo godiseditseng kwa go jone, a ga di a kwalwa mo lokwalong lwa ditirafalelo tsa dikgosi tsa Media le Peresia? ₃Gonne Moretekai wa Mojuta o ne a rulaganye le kgosi Ahasueruse, a le mogolo mo Bajuteng, a amogetswe ke bontsi jwa bana ba ga rraagwe; a ntse a batla gore batho ba ba ga gabo ba bone molemo, a ba a ntse a bua kagiso le losika lotlhe lwa gagwe.