Pesalema 114
Dikgakgamatso tsa khuduga ya Baiseraele
1E rile Iseraele a tswa mo Egepeto,
le ntlo ya ga Jakobe
mo bathong ba puo e sele,
2Juta a tla a nna
felo ga gagwe ga boitshepo,
le Iseraele bogosi jwa gagwe.
3Lewatle la go bona, la tshaba;
Joretane a kgarametsegela
kwa morago.
4Dithaba tsa ja mokaragana
jaaka diphelefu,
dithotana jaaka dikwanyana.
5O a bo o reng, wena lewatle
fa e bo ne ne o tshaba jaana?
Wena Joretane fa e bo ne ne
o boela kwa morago jaana?
6Lona dithaba, lwa reng,
ka e le fa lo ja mokaragana
jaaka diphelefu?
Lona dithotana jaaka dikwanyana?
7Roroma, wena lefatshe,
fa pele ga Morena,
fa pele ga Modimo wa ga Jakobe;
8yo o fetotseng lefika
la nna mogobe wa metsi, le legakwa
la nna motswedi wa metsi.
© Bible Society of South Africa 1992. Used with permission. All rights reserved.
