Pesalema 126

₁E rile Jehofa a ba a busa

botshwaro jwa Sione,

ra nna jaaka ba ba lorang.

₂Foo molomo wa rona

wa tlala setshego,

le loleme lwa rona lwa tlala go opela;

foo ba bua mo merafeng, ba re:

“Jehofa o ba diretse dilo tse

dikgolo.”

₃Jehofa o re diretse dilo tse dikgolo,

tse re di itumelelang.

₄Ba o buse botshwaro jwa rona,

Jehofa,

jaaka dinokana tsa kwa Borwa.

₅Ba ba jalang ka dikeledi

ba tlaa roba ka boitumelo.

₆Le fa motho a ka tswa a tsamaya

a ntse a lela, mme a tshotse peo,

o tlaa ba a tla gape,

dingata tsa gagwe a na natso.