TSHENOLO 11

₁Ka newa lotlhaka lo lo tshwanang le thobane; mme mongwe a re: “Ema o lekanye tempele ya Modimo, le sebeso, le ba ba obamelang mo go yone. ₂Lolwapa lo lo kwa ntle ga tempele, o lo iteele kwa ntle, o se ka wa lo lekanya; gonne lone lo neilwe merafe; mme motse o o boitshepo ba tlaa o gataka ka dinao ka dikgwedi di le 42. ₃Ke tlaa naya basupi ba me ba babedi taolo, mme ba tlaa bolela ka malatsi a le 1 260, ba apere letsela la kgetse.”

₄Ba ke bone ditlhare tse pedi tsa matlhware, le ditlhomo tsa dipone tse pedi, tse di emeng fa pele ga Morena wa lefatshe. ₅Fa motho, le fa e le mang, a eletsa go ba utlwisa botlhoko, molelo o tswe mo ganong la bone, o laile baba ba bone; mme fa motho mongwe a tlaa eletsa go ba utlwisa botlhoko, o na le go bolawa ka mokgwa o o ntseng jalo. ₆Ba, ba na le thata ya go tswala legodimo, gore pula e se ne ka metlha ya go perofesa ga bone; mme ba na le thata mo metsing go a fetola madi, le go itaya lefatshe ka petso nngwe le nngwe gangwe le gape, ka fa ba eletsang ka teng.

₇E tlaa re ba sena go wetsa tshupo ya bone, sebatana se se tlhatlogang mo moleteng o o se nang bolekeletso, se tlaa ba tlhasela, se ba fenya, se ba bolaya. ₈Ditoto tsa bone di tlaa namalala mo mmileng wa motse o mogolo, o o bidiwang Sotoma le Egepeto, ka mokgwa wa semowa, kwa le ene Morena wa bone o bapotsweng gone. ₉Mme batho e le ba ditšhaba, le ba ditso, le ba dipuo, le ba merafe, ba tlaa leba ditoto tsa bone ka malatsi a le mararo le ntlha e nngwe ya letsatsi, ba sa leseletse ditoto tsa bone go tsenngwa mo phupung. ₁₀Ba ba agileng mo lefatsheng ba itumela ka ga bone, ba dira mokete ka ntlha ya bone; mme ba tlaa naana dineo; ka baperofeti ba babedi bao ba ne ba tlhokofatsa ba ba agileng mo lefatsheng. ₁₁Morago ga malatsi a mararo a a nang le ntlha e nngwe ya letsatsi, mowa wa botshelo o o tswang Modimong wa tsena mo go bone, mme ba ema ka dinao; poifo e kgolo ya wela ba ba ba bonang. ₁₂Ba utlwa lentswe le legolo, le le tswang legodimong le ba raya le re: “Tlhatlogelang kwano.” Ba tlhatlogela kwa legodimong ba le mo lerung; baba ba bone ba ba bona. ₁₃Ya re mo nakong eo ga nna thoromo e kgolo ya lefatshe, ntlha ya lesome ya motse ya wa; ya re mo thoromong ya lefatshe ga bolawa batho ba le 7 000. Ba bangwe ba tsenwa ke poifo, ba naya Modimo wa legodimo kgalalelo.

₁₄Tatlhego ya bobedi e fetile; bonang, Tatlhego ya boraro e akofa e tla.

₁₅Moengele wa bosupa a letsa; ga tloga ga nna mantswe a magolo mo legodimong a re: “Bogosi jwa lefatshe bo diregile bogosi jwa Morena wa rona, le jwa ga Keresete wa gagwe; o tlaa busa ka bosakhutleng le ka bosaengkae.” ₁₆Bagolwane ba ba 24, ba ba dutseng mo ditulong tsa bone tsa bogosi fa pele ga Modimo, ba wela fa fatshe ba obamela Modimo.

₁₇Ba re:

₁₉Mme ga bulwa tempele ya Modimo e e mo legodimong; ga bo go bonala letlole la kgolagano ya one mo tempeleng ya one; mme ga tloga ga nna dikgadima, le dikodu le ditumo tsa maru, le thoromo ya lefatshe, le sefako se segolo.