GENESI 36

₁Losika lwa ga Esau, e bong Etomo ke lo: ₂Esau o ne a tsere basadi ba gagwe mo go bomorwadia Bakanana, e bong Ata, morwadia Elone wa Mohethe le Oholibama, morwadia Ana, yo e leng morwa Sibeone wa Mohewi ₃le Basemathe, morwadia Isemaele kgaitsadia Nebayothe. ₄Ata a tsalela Esau Elifase, mme Basemathe a belega Rehuele. ₅Oholibama a belega Jeuse le Jaelame le Kora. Bona bao ke bomorwa Esau ba o ba tsaletsweng a sa le mo lefatsheng la Kanana.

₆Mme Esau a tsaya basadi ba gagwe le bomorwawe le bomorwadie le batho botlhe ba lelapa la gagwe le letsomane la gagwe le diruiwa tsotlhe tsa gagwe le dithoto tsotlhe tsa gagwe tse o di bapetseng mo lefatsheng la Kanana, a hudugela kwa lefatsheng le sele, a kgaogana le Jakobe monnawe. ₇Gonne diruiwa tsa bone di ne di atile thata, mo ba neng ba palelwa ke go nna mmogo. Lefatshe la majako a bone le ne le sa ba lekane ka ntlha ya bontsi jwa diruiwa tsa bone. ₈Ka moo Esau a ya go nna kwa dithabeng tsa Seire. Esau ke ene Etomo.

₉Losika lwa ga Esau, rraabo Baetomo ba ba kwa dithabeng tsa Seire, ke lo: ₁₀Maina a bomorwa Esau ke a: Elifase, morwa Ata, mosadi wa ga Esau, le Rehuele, morwa Basemathe, mosadi wa ga Esau. ₁₁Bomorwa Elifase e ne e le Themane le Omare le Sefo le Gaethame le Kenase. ₁₂Thimena e ne e le mogadingwana wa ga Elifase, morwa Esau, ene a tsalela Elifase Amaleke. Ke bone bomorwa Ata, mosadi wa ga Esau. ₁₃Bomorwa Rehuele e ne e le Nahathe le Sera le Sama le Misa. Bao e ne e le bomorwa Basemathe, mosadi wa ga Esau.

₁₄Mosadi wa ga Esau, e bong Oholibama, morwadia Ana yo e leng morwa Sibeone, a tsalela Esau bomorwawe, e bong Jeuse le Jaelame le Kora.

₁₅Dikgosana mo go bomorwa Esau ke tse: Tse e leng bomorwa Elifase, morwa Esau wa ntlha, ke kgosana Themane le kgosana Omare le kgosana Sefo le kgosana Kenase ₁₆le kgosana Kora le kgosana Gaethame le kgosana Amaleke. Ke tsona dikgosana tsa losika lwa ga Elifase mo lefatsheng la Etomo. Ke bone bomorwa Ata.

₁₇Bomorwa Rehuele, morwa Esau ke ba, e bong kgosana Nahathe le kgosana Sera le kgosana Sama le kgosana Misa. Ke tsona dikgosana tsa losika lwa ga Rehuele mo lefatsheng la Etomo. Ke bone bomorwa Basemathe, mosadi wa ga Esau.

₁₈Bomorwa Oholibama, mosadi wa ga Esau, ke ba, e bong kgosana Jeuse le kgosana Jaelame le kgosana Kora. Ke tsona dikgosana tsa ga Oholibama, morwadia Ana, mosadi wa ga Esau. ₁₉Ke bone bomorwa Esau. Ke tsona dikgosana tsa bone. Ke ene Etomo.

₂₀Bomorwa Seire wa Mohori ba ba neng ba agile mo lefatsheng leo pele ke ba, e bong Lotane le Sobale le Sibeone le Ana ₂₁le Disone le Esere le Disane. Ke tsona dikgosana tsa Bahori, ke bomorwa Seire mo lefatsheng la Etomo.

₂₂Bomorwa Lotane e ne e le Hori le Hemame; kgaitsadia Lotane e le Thimena.

₂₃Bomorwa Sobale ke Alwane le Manahathe le Ebale le Sefo le Oname.

₂₄Bomorwa Sibeone ke Aya le Ana. Ke ene Ana yo o kileng a bona metswedi e e bolelo mo sekakeng, fa a disa diesele tsa ga Sibeone rraagwe. ₂₅Morwa Ana ke Disone, morwadia Ana ke Oholibama. ₂₆Bomorwa Disone ke Hemetane le Esebane le Itherane le Kerane.

₂₇Bomorwa Esere ke Bilehane le Saawane le Akane.

₂₈Bomorwa Disane ke Use le Arane.

₂₉Dikgosana tsa Bahori ke kgosana Lotane le kgosana Sobale le kgosana Sibeone le kgosana Ana ₃₀le kgosana Disone le kgosana Esere le kgosana Disane. Ke tsona dikgosana tsa Bahori ka fa ditsong tsa bone mo lefatsheng la Seire.

₃₁Dikgosi tse di busitseng mo lefatsheng la Etomo pele go ise go buse kgosi mo Baiseraeleng ke tse:

₃₂Bela, morwa Beore o ne a busa mo Etomo; leina la mošate wa gagwe e le Dinehaba.

₃₃Ya re Bela a sena go swa, ga busa Jobabe, morwa Sera, wa kwa Bosera, mo boemong jwa gagwe.

₃₄Ya re Jobabe a sena go swa, ga busa Husame wa kwa lefatsheng la Bathemane mo boemong jwa gagwe.

₃₅Ya re Husame a sena go swa, ga busa Hatate, morwa Betate, mo boemong jwa gagwe. Ke ene yo o fentseng Bamidiane mo nageng ya Moabe. Leina la mošate wa gagwe e ne e le Awithe.

₃₆Ya re Hatate a sena go swa, ga busa Samela wa kwa Masereka mo boemong jwa gagwe.

₃₇Ya re Samela a sena go swa, ga busa Saule wa kwa Rehobothe fa nokeng mo boemong jwa gagwe.

₃₈Ya re Saule a sena go swa, ga busa Baale-Hanane, morwa Akebore mo boemong jwa gagwe.

₃₉Ya re Baale-Hanane, morwa Akebore a sena go swa, ga busa Hatare mo boemong jwa gagwe; leina la mošate wa gagwe e le Phahu, leina la mosadi wa gagwe e le Mehetabele, morwadia Materedi, morwadia Mesahabe.

₄₀Maina a dikgosana tsa losika lwa ga Esau ka fa ditshikeng tsa bone le ka fa mafelong a bone le ka fa maineng a bone ke a: Kgosana Thimena le kgosana Alwa le kgosana Jethethe ₄₁le kgosana Oholibama le kgosana Ela le kgosana Phinone ₄₂le kgosana Kenase le kgosana Themane le kgosana Mibesare ₄₃le kgosana Magadiele le kgosana Irame. Ke tsona dikgosana tsa Etomo ka fa mannong a tsona mo lefatsheng le di neng di le ruile. Ke ene Esau, rra Baetomo.